„Harry Potter“: Munur á milli breytinga

Breyta tenglum
Úr Wikipediu, frjálsa alfræðiritinu
Fletta í gegnum breytingarskrá
← Eldri breytingNýrri breyting →
Efni eytt Efni bætt við
MyndræntWiki-texti
Heiða María (spjall | framlög)
1.344 breytingar
Lína 4: Lína 4:
Bækurnar fjalla um ungan, munaðarlausan dreng, sem elst upp hjá hræðilegu frændfólki sínu, [[Dursley fjölskyldan|Dursley fjölskyldunni]]. Á ellefta aldursári fær hann bréf frá [[Hogwarts]], skóla galdra og seiða, þar sem útskýrt er fyrir honum að hann sé galdramaður og eigi því að sækja skóla í Hogwarts.
Bækurnar fjalla um ungan, munaðarlausan dreng, sem elst upp hjá hræðilegu frændfólki sínu, [[Dursley fjölskyldan|Dursley fjölskyldunni]]. Á ellefta aldursári fær hann bréf frá [[Hogwarts]], skóla galdra og seiða, þar sem útskýrt er fyrir honum að hann sé galdramaður og eigi því að sækja skóla í Hogwarts.


Bækurnar eiga að verða sjö talsins og 6 þeirra hafa verið gefnar út. Fyrstu fjórar bækurnar hafa verið kvikmyndaðar og kvikmynd númer fimm er á vinnslustigi.
Bækurnar eiga að verða sjö talsins og sex þeirra hafa verið gefnar út. Fyrstu fimm bækurnar hafa verið kvikmyndaðar.
===Bækurnar===
===Bækurnar===
*[[Harry Potter og viskusteinninn]]
*[[Harry Potter og viskusteinninn]]

Útgáfa síðunnar 16. júlí 2007 kl. 02:28

Mynd:HarryPotter2.JPG
Harry Potter

Harry Potter er söguhetja úr samnefndum bókum eftir J.K. Rowling.

Bækurnar

Bækurnar fjalla um ungan, munaðarlausan dreng, sem elst upp hjá hræðilegu frændfólki sínu, Dursley fjölskyldunni. Á ellefta aldursári fær hann bréf frá Hogwarts, skóla galdra og seiða, þar sem útskýrt er fyrir honum að hann sé galdramaður og eigi því að sækja skóla í Hogwarts.

Bækurnar eiga að verða sjö talsins og sex þeirra hafa verið gefnar út. Fyrstu fimm bækurnar hafa verið kvikmyndaðar.

Bækurnar

Einnig eru til aukabækur sem nefnast:

Fantastic Beasts And Where To Find Them

Quidditch Through The Ages

Aðalpersónan

Harry James Potter er sonur Lily og James Potter. Hann fæddist 31. júlí árið 1980. Harry Potter er lítill og mjór, með dökkt og úfið hár. Hann er með græn augu, kringlótt gleraugu og ör á enninu, sem er í laginu eins og elding. Hann er lifandi eftirmynd föður síns, en er með grænu augun frá móður sinni.


Foreldrar hans voru James Potter og Lily (Evans) Potter. Harry er þekktur um allan galdraheiminn sem "drengurinn sem lifði".

Á hrekkjavöku þegar Harry var rúmlega eins árs kom Voldemort, einn verst innrætti galdramaður sem uppi hafði verið, heim til hans með það í huga að myrða hann. Ástæðan var sú að spákona nokkur hafði spáð fyrir um að drengur sem líklega var Harry myndi einhvern daginn sigra Voldemort, hinn myrka herra.

Voldemort mistókst hins vegar að drepa Harry, en foreldrar hans fórnuðu lífi sínu til að reyna að vernda hann. Þegar Voldemort kastaði drápsbölvun á Harry endurkastaðist hún á Voldemort svo að hann missti máttinn og hvarf á braut, nær dauða en lífi. Harry var hins vegar óskaddaður, fyrir utan eldingarlaga örið á enninu sem hann hlaut við bölvunina.

Þar með var Harry munaðarlaus og var skilinn eftir hjá móðursystur sinni og fjölskyldu hennar, ásamt bréfi sem útskýrði það sem gerst hafði. Ættingjar Harrys voru öll muggar, venjulegt fólk án galdrahæfileika, og höfðu sérstaka andstyggð á göldrum og öllu sem var óvenjulegt. Hann bjó við yfirgengilegt harðræði alla bernsku sína og fékk ekki að vita neitt um galdraheiminn.

Á ellefta afmælisdegi Harrys komst hann að því hver hann var í raun og veru. Þá um haustið fékk hann að fara í Hogwartsskóla þar sem hann lærði galdra og fjölkynngi. Hann lenti í Gryffindor heimavistinni sem er ein af fjórum heimavistum skólans og er heimavist hinna hugdjörfu. Í Hogwarts eignaðist Harry fjöldann allan af góðum vinum og voru bestu vinir hans Ron Weasley og Hermione Granger. Harry keppti með heimavistarliðinu sínu í Quidditch, sem er íþróttaleikur galdramanna og kvenna. Hann var yngsti leikmaðurinn í heila öld til að keppa í innanskólakeppninni.

Harry á snæugluna Hedwig sem fer oft í póstferðir fyrir hann, en hún er talin óvenju klár af uglu að vera.

Samband Harrys og Dumbledores skólastjóra er mjög sérstakt og virðist oft sem Harry eigi erfitt með að viðurkenna fyrir Dumbledore þegar hann á í vandræðum eða þegar honum líður illa. Samt virðist skólameistarinn alltaf vita nokkurn veginn hvað er að gerast hjá honum og gerir sitt besta til að líta eftir stráknum.

Sirius Black er guðfaðir Harrys og eru þeir góðir vinir. Í honum fann Harry föðurinn sem hann man ekkert eftir og í Harry sér Sirius besta vin sinn endurborinn. Remus Lupin var annar af bestu vinum James og kenndi hann Harry í skólanum eitt árið. Hann er varúlfur og það er í raun honum að þakka að Harry og Sirius kynntust. Hann er einn sá besti kennari sem Harry hefur nokkurn tímann haft í skólanum.

Töfrasprotar Harrys (11" úr kristþyrnisviði, fjöður úr fönix) og Voldemorts (13 og 1/2" ýviður, fjöður úr fönix) eru tengdir þar sem þeir eru bræðrasprotar og er kjarni þeirra úr fjöðrum af fönixinum Fawkes sem er gælufönix Dumbledores. Þessar tvær fjaðirir eru einu fjaðrirnar sem þessi ákveðni fönix hefur nokkurntíman gefið af sér til töfrasprotagerðar. Harry fékk líka ýmsa aðra af kröftum Voldemorts þegar hann missti máttinn. Því er Harry talsvert máttugri en aðrir jafnaldrar hans og jafnvel fullþroskaðir galdramenn og auk þess talar hann slöngutungu sem er sjaldgæfur hæfileiki meðal galdramanna. Þennan hæfileika hafði Voldemort líka.

Á fjórða ári sínu í Hogwarts tók Harry þátt í Þrígaldraleikunum sem voru þá haldnir í fyrsta skipti í yfir 100 ár. Hann var yngsti keppandinn og hefði í raun ekki átt að taka þátt en brögðum var beitt til að hann yrði fyrir valinu. Sá sem stóð fyrir því var yfirlýstur stuðningsmaður Voldemorts og sá hann einnig til þess að Harry stæði uppi sem sigurvegari leikanna þar sem bikarinn var leiðarlykill sem flutti hann beina leið til Voldemorts og þjóna hans. Þar var Harry notaður, gegn eigin vilja, í athöfn til að endurreisa hinn myrka herra. Eftir mikið og erfitt einvígi við Voldemort komst Harry þó heilu og höldnu heim til Hogwarts þar sem hann gat sagt frá því sem fram hafði farið um kvöldið.

Sjá einnig

Heimild

Sótt frá „https://is.wikipedia.org/w/index.php?title=Harry_Potter&oldid=298907“