Flæðirit

Mynd:Flæðirit ljos.jpg

Einfalt flæðirit sem sýnir hvað á að gera ef ljósið virkar ekki.

Flæðirit er notað til að lýsa flæði reiknirita eða forrits.

Þegar leysa á flókið vandamál og gefa yfirsýn þá er gott að stilla því upp gróflega og skoða hver séu helstu atriðin í vandamálinu. Flæðirit er gott verkfæri fyrir þetta. Það veitir góða yfirsýn og skýrir hvert er flæðið á milli helstu blokka vandamálsins. Síðan má taka hverja einstöku blokk, skoða nánar og jafnvel skrifa sér flæðirit sem lýsir innihaldi þeirrar blokkar.

Hægt er að nota flæðirit til að lýsa ýmiss konar öðru flæði en forritun. Til eru ýmsar aðrar tegundir flæðirita en því sem hér er lýst, svo sem: UML, samskiptarit, stöðurit og verknaðarrit svo eitthvað sé nefnt. En öll þessi rit hafa afmörkuð hlutverk innan flæðirita. Með UML er til dæmis hægt að teikna klasarit.

Táknmyndir

Helstu táknmyndir flæðirita.

Left

Flæðirit geta einnig innihaldið aðrar táknmyndir en þessar, sem lýsa einhverjum sértilvikum.

Forrit

Ýmisleg forrit eru á markaðinum til að skrifa flæðirit með. Helstu forrit eru: Microsoft Office Visio, OpenOffice.org Draw, EDraw Flowchart Software, Inkscape, Dia, ConceptDraw og SmartDraw. Einnig má notast við hvaða teikniforrit sem er, nú eða bara blað og blýant.

Það eru einnig til forrit sem geta búið til flæðirit sjálfkrafa, annaðhvort beint frá forritunarkóða eða sérstöku skriftarmáli fyrir flæðirit.

Dæmi

Mynd:Flæðirit hropmerkt.jpg

Flæðirit er sýnir útreikning á N hrópmerkt (N!).

Flæðirit sem sýnir útreikning á N hrópmerkt (N!). Þar sem N! = 1 * 2 * 3 * …. * N. Flæðiritið sýnir eina og hálfa lykkju – stöðu sem í byrjendabókum er rætt um að krefjist annað hvort að þáttur sé endurtekinn bæði innan og utan lykkjunnar eða að þátturinn sé á grein innan lykkjunnar.

Byrjað er að lesa inn gildi fyrir N sem reikna á hrópmerkt fyrir. Síðan eru byrjunarbreytur sem notaðar eru við útreikninginn frumstilltar. M er lykkjuteljari og F geymir útreikning. Síðan er lykkja ræst og F margfaldað með teljaranum þar til hann er orðin jafn upphafsgildinu N en þá endar lykkjan því M er orðið jafn N og F er skrifað út.

Heimildir

• Halla Björg Baldursdóttir, Forritunarmálið Basic (Reykjavík: Iðunn, 1981) 6. útg. 1982