20. desember

20. desember er 354. dagur ársins (355. á hlaupári) samkvæmt gregoríska tímatalinu. 11 dagar eru eftir af árinu.

Atburðir

• 217 - Kallixtus 1. var kjörinn páfi en Hippólýtus af Róm gerðist mótpáfi í andstöðu við hann.
• 1334 - Benedikt 12. varð páfi.
• 1370 - Gregoríus 11. varð páfi.
• 1474 - Solveig Þorleifsdóttir í Víðidalstungu var bannfærð.
• 1522 - Eftirlifandi Jóhannesarriddarar á Rótey gáfust upp fyrir Súleiman mikla og yfirgáfu eyna.
• 1626 - Ferdinand 2. keisari og Bethlen Gábor Transylvaníufursti gerðu með sér friðarsáttmálann í Pressburg.
• 1662 - Nicolas Fouquet, fjármálaráðherra Frakklands, var dæmdur í útlegð.
• 1699 - Pétur mikli fyrirskipaði að nýja árið skyldi hefjast 1. janúar í stað 1. september eins og áður hafði verið.
• 1904 - Íþróttafélagið Höfrungur stofnað á Þingeyri.
• 1930 - Ríkisútvarpið tók til starfa í Reykjavík. Í fyrstu starfaði það í leigðu húsnæði hjá versluninni Edinborg í Hafnarstræti, en haustið 1931 flutti það í Landssímahúsið vð Austurvöll.
• 1930 - Landspítalinn tók til starfa.
• 1971 - Samtökin Læknar án landamæra voru stofnuð af tveimur samtökum franskra lækna sem höfðu unnið í Austur-Pakistan og Bíafra.
• 1974 - Tvö snjóflóð féllu í Neskaupstað með þeim afleiðingum að tólf manns fórust.
• 1975 - Kröflueldar hófust með hraungosi á sprungu við Leirhnjúk. Gosið stóð með hléum til 18. september 1984.
• 1977 - Djibútí og Víetnam urðu aðilar að Sameinuðu þjóðunum.
• 1981 - Penlee-björgunarslysið átti sér stað undan strönd Cornwall.
• 1983 - Alþingi samþykkti frumvarp um kvótakerfi á fiskveiðar og gekk það í gildi 1. janúar 1984.
• 1987 - Yfir 4000 manns fórust þegar filippeyska farþegaskipið Dona Paz brann og sökk eftir árekstur.
• 1988 - Samningur Sameinuðu þjóðanna gegn ólöglegri verslun með fíkniefni og skynvilluefni var undirritaður í Vínarborg.
• 1989 - Bandaríkin réðust inn í Panama til að steypa Manuel Noriega af stóli.
• 1992 - Tónleikahöllinni Folies Bergère í París var lokað.
• 1994 - Frank Sinatra kom fram á sínum síðustu tónleikum í Japan.
• 1995 - American Airlines flug 965 fórst í Kólumbíu. Af 164 farþegum lifðu 4 slysið af.
• 1996 - Apple Computer keypti hugbúnaðarfyrirtæki Steve Jobs, NeXT.
• 1999 - Alþýðulýðveldið Kína tók við stjórnartaumum í Maká.

• 2002 - Bandaríska kvikmyndin Gangs of New York var frumsýnd.
• 2005 - Benjamin Netanyahu náði aftur völdum í Likud-flokki Ísraels eftir brotthvarf Ariels Sharons.
• 2005 - Durrës-háskóli var stofnaður í Albaníu.
• 2006 - Miklir vatnavextir og flóð urðu á Íslandi vegna rigninga. Aurskriða féll á bæinn Grænuhlíð í Eyjafirði og hross drukknuðu á Suðurlandi.
• 2007 - Jarðskjálfti upp á 6,6 á Richter skók Nýja Sjáland og olli miklum skemmdum í borginni Gisborne. Einn lét lífið.
• 2010 - 7 létust þegar jarðskjálfti reið yfir Íran.
• 2015 - Yfir 100 kúrdískir hermenn létust í árásum Tyrklandshers á landamærum Sýrlands og Íraks.

Fædd

• 1537 - Jóhann 3. Svíakonungur (d. 1592).
• 1629 - Pieter de Hooch, hollenskur listmálari (d. 1684).
• 1633 - Abbas 2., keisari í Íran (d. 1666).
• 1641 - Urban Hjärne, sænskur læknir og náttúruvísindamaður (d. 1724).
• 1841 - Ferdinand Buisson, franskur heimspekingur (d. 1932).
• 1882 - Jón Baldvinsson, íslenskur stjórnmálamaður (d. 1938).
• 1939 - Kathryn Joosten, bandarísk leikkona (d. 2012).
• 1945 - Tom Tancredo, bandarískur stjórnmálamaður.
• 1945 - Pétur Bürcher, biskup á Íslandi.
• 1946 - Sunna Borg, íslensk leikkona.
• 1946 - Peps Persson, sænskur tónlistarmaður.
• 1946 - John Spencer, bandarískur leikari (d. 2005).
• 1951 - Ólafur Haukur Johnson, skólastjóri við Menntaskólann Hraðbraut.
• 1957 - Anna Vissi, kýpversk söngkona.
• 1977 - Sonja Aldén, sænsk söngkona.
• 1978 - Márcio Rodrigues, brasilískur knattspyrnumaður.
• 1982 - David Cook, bandarískur söngvari, sigurvegari í 7. þáttaröð American Idol.
• 1983 - Jonah Hill, bandarískur leikari.
• 1987 - Michihiro Yasuda, japanskur knattspyrnumaður.
• 1998 - Kylian Mbappé, franskur knattspyrnumaður.

Dáin

• 69 - Vitellius Rómarkeisari.
• 860 - Aðalbaldur af Wessex lést.
• 1552 - Katharina von Bora, eiginkona Marteins Lúthers (f. 1499).
• 1695 - Guðmundur Ólafsson, íslenskur fornritafræðingur (f. um 1640).
• 1722 - Kangxi, keisari í Kína (f. 1654).
• 1820 - Stefán Stephensen, íslenskur lögfræðingur (f. 1767).
• 1929 - Émile Loubet, franskur stjórnmálamaður (f. 1838).
• 1937 - Erich Ludendorff, þýskur hershöfðingi (f. 1865).
• 1968 - John Steinbeck, bandarískur rithöfundur og Nóbelsverðlaunahafi (f. 1902).
• 1971 - Shigeyoshi Suzuki, japanskur knattspyrnumaður (f. 1902).
• 1984 - Stanley Milgram, bandarískur sálfræðingur (f. 1933).
• 1996 - Carl Sagan, bandarískur stjörnufræðingur, rithöfundur og sjónvarpsmaður (f. 1934).
• 2002 - Fritz Røed, norskur myndhöggvari (f. 1928).
• 2009 - Brittany Murphy, bandarísk leik- og söngkona (f. 1977).

Hátíðis- og tyllidagar

• Samkvæmt kvæði Jóhannesar úr Kötlum, „Jólin koma“ kemur jólasveinninn Bjúgnakrækir til byggða þennan dag.