Muggur

„Muggur“ getur einnig átt við mannsnafnið Mugg.

Ljósmynd af Mugg, tekin einhvern tímann á öðrum áratug 20. aldarinnar af Magnúsi Ólafssyni.

Guðmundur Pétursson Thorsteinsson, betur þekktur sem Muggur, (5. september 1891 – 27. júlí 1924) var íslenskur listamaður frá Bíldudal, sonur athafnamannsins Péturs J. Thorsteinssonar og Ásthildar Guðmundsdóttur. Knattspyrnumennirnir Samúel, Gunnar og Friðþjófur voru bræður Muggs.

Æviágrip

Guðmundur fluttist til Danmerkur árið 1903 12 ára gamall með fjölskyldu sinni til Kaupmannahafnar. Hann bjó ýmist á Íslandi eða í Danmörku og ferðaðist mikið. Af helstu verkum Muggs má nefna klippimyndina Sjöundi dagur í Paradís en eftirprenntun af þeirri mynd er til víða, blýantsteikninguna Kossinn, altaristöfluna Kristur læknar sjúka sem er í Bessastaðakirkju, myndina Kolaburður af kolaburði kvenna í Reykjavík, en ekki tíðkaðist á Bíldudal að konur væru látnar skipa upp kolum, ólíumálverið Snæfellsjökull og Den bedrövede Prins eða Hryggi prinsinn. Hann vann fjölbreytt verkefni með olíu, vatnslitum, kolum og klippimyndum, meðal annars „Sjöundi dagur í Paradís“ og barnabókina Sagan af Dimmalimm. Hann teiknaði margar myndir sem tengjast efni íslenskra þjóðsagna. Sumar þeirra eru mjög fyndnar og skemmtilegar. Hann teiknaði myndir af fólki og hann málaði myndir af blómum og landslagi. Hann myndskreytti líka íslensk spil sem voru fyrstu spilin á Íslandi og urðu mjög vinsæl. Muggur var ekki einungis heillaður af myndlistinni heldur var hann afbragðs leikari og lék eitt af aðalhlutverkunum í fyrstu leiknu kvikmyndinni sem gerð var á Íslandi, Sögu Borgarættarinnar janúar 1921.

Muggur stundaði listnám sitt í Danmörku í Det Kongelige danske Kunstakademi í Kaupmannahöfn árin 1911-1915, en hann fór víða í námsferðum sínum, meðal annars til Þýskalands, Bandaríkjanna og Ítalíu. Muggur var aðeins 32 ára gamall þegar hann dó úr brjóstveiki í Danmörku. Öll listaverk eftir Mugg eru úr höfundarétti samkvæmt íslenskum höfundalögum. Verk eftir hann í eigu opinberra stofnanna er að finna í Listasafni Íslands.

Sýningar

Listaverk eftir Guðmund hafa verið sýnd um allt land, þar á meðal:

• Hafnarhúsið - Sjónarmið - Á mótum myndlistar og heimspeki 21. maí - 4. september 2011
• Gerðarsafn í Kópavogi, 3. júlí - 29. ágúst 2010
• Listasafn Íslands - Íslensk myndlist 1900-1930 27. mars - 2. maí 2004
• Tónlistarskólinn í Bíldudal, júlí 2002
• Gerðarsafn í Kópavogi, 3. júlí - 29. ágúst 2010
• Listasafn Íslands - úr myndheimi Muggs 1991
• Listasafn ASÍ 1984
• Bogasalur Þjóðminjasafnsins 1958
• Ásmundarsalur 1948

Verk

• 
  Kossinn, 1918
• 
  Kolaburður, 1919
• 
  Sjöundi dagur í Paradís, 1920
• 
  Kristur læknar, 1921
• 
  Snæfellsjökull, 1922
• 
  Sagan af Dimmalimm, 1921

Tenglar

• Æviágrip á Arnfirðingur.is
• Um Mugg á umm.is Geymt 21 september 2007 í Wayback Machine
• Sjöundi dagurinn í Paradís, grein eftir Leif Sveinsson í Morgunblaðinu
• Sagan af Dimmalimm, rafræn útgáfa

Heimildir

• http://www.landogsaga.is/section.php?id=9&id_art=2032
• http://www.listasafnreykjavikur.is/desktopdefault.aspx/tabid-2182/3368_read-1768^{[óvirkur tengill]}
• http://www.gerdarsafn.is/syningar/nr/52 Geymt 4 maí 2015 í Wayback Machine
• http://spilasafn.com/index.php/hoennudhir-isl-spila/98-gudhmundur-thorsteinsson-muggur Geymt 19 janúar 2014 í Wayback Machine
• http://www.umm.is/UMMIS/Listamenn/Listamadur/65 Geymt 21 september 2007 í Wayback Machine

  Þetta æviágrip er stubbur. Þú getur hjálpað til með því að bæta við greinina.