„Pétur Magnússon“: Munur á milli breytinga

Úr Wikipediu, frjálsa alfræðiritinu
Fletta í gegnum breytingarskrá
← Eldri breytingNýrri breyting →
Efni eytt Efni bætt við
MyndræntWiki-texti
Asmjak (spjall | framlög)
1.378 breytingar
mEkkert breytingarágrip
Asmjak (spjall | framlög)
1.378 breytingar
Lína 55: Lína 55:


==Eftirmæli==
==Eftirmæli==
Egill Sigurgeirsson sagði í viðtali við Pétur Pétursson:<ref name=PP/><br />
Egill Sigurgeirsson sagði í blaðaviðtali:<ref name=PP/><br />
''"Pétur var alveg einstakt prúðmenni. Hann var mjög snjall málflutningsmaður og mikið var gaman að heyra og hlusta á Pétur, sérstaklega þegar hann úti í sveit var að flytja landamerkjamál og önnur mál fyrir bændur. Það var unun að hlusta á hann.''
''"Pétur var alveg einstakt prúðmenni. Hann var mjög snjall málflutningsmaður og mikið var gaman að heyra og hlusta á Pétur, sérstaklega þegar hann úti í sveit var að flytja landamerkjamál og önnur mál fyrir bændur. Það var unun að hlusta á hann.''
<br />''Hann beitti þessari aðferð líka þarna þegar þessi mikli mannsöfnuður var í Hæstarétti þá beitti hann þessum persónutöfrum sínum og þessari snilld að hann hreif alla sem hlustuðu á hann."''
<br />''Hann beitti þessari aðferð líka þarna þegar þessi mikli mannsöfnuður var í Hæstarétti þá beitti hann þessum persónutöfrum sínum og þessari snilld að hann hreif alla sem hlustuðu á hann."''

Útgáfa síðunnar 14. júní 2021 kl. 09:53

Pétur Magnússon
Fæddur10. janúar 1888(1888-01-10)
á Gilsbakka í Hvítársíðu
Dáinn26. júní 1948 (60 ára)
í Massachusetts General Hospital, Boston, Bandaríkjunum
ÞjóðerniÍslendingur
MenntunHáskóli Íslands
StörfAlþingismaður, ráðherra, bæjarfulltrúi, bankastjóri og lögmaður.
FlokkurMerki Sjálfstæðisflokksins Sjálfstæðisflokkurinn
MakiÞórunn Ingibjörg Guðmundsdóttir Viborg
BörnNíu
Foreldrarséra Magnús Andrésson og
Sigríður Pétursdóttir Sívertsen

Pétur Magnússon (fæddur á Gilsbakka í Hvítársíðu 10. janúar 1888, látinn 26. júní 1948) var íslenskur stjórnmálamaður og lögmaður.

Námsferill

Pétur lauk stúdentsprófi frá Menntaskólanum í Reykjavík árið 1911 og lögfræðiprófi frá Háskóla Íslands árið 1915. Hann varð yfirréttarmálaflutningsmaður sama ár og hæstaréttarlögmaður árið 1922.

Starfsferill

Pétur starfaði sem málaflutningsmaður í Reykjavík á árunum 1915 til 1941 og aftur árið 1947. Hann var einnig starfsmaður við Landsbanka Íslands árin 1915 til 1920. Pétur var bankastjóri Búnaðarbankans árin 1930 til 1937 og bankastjóri Landsbankans 1941 til 1945. Hann varð bankastjóri Landsbankans á ný á árunum 1947 til 1948.

Hann var framkvæmdastjóri Ræktunarsjóðs 1924 til 1929 og formaður Málflutningsmannafélags Íslands 1926—1930.

Stjórnmálaþáttaka

Pétur var bæjarfulltrúi í Reykjavík 1922 til 1928 og forseti bæjarstjórnar 1924 til 1926. Hann var alþingismaður Sjálfstæðisflokksins frá 1930-1937 og 1942-1948. Þann 21. október 1944 var hann skipaður fjármála-, viðskiptamála- og landbúnaðarráðherra í svokallaðri Nýsköpunarstjórn, 2. ráðuneyti Ólafs Thors. Hann fékk lausn frá því þann 10. október 1946, en gegndi embættinu til 4. febr. 1947.

Dreifibréfsmálið

Árið 1941 þegar Ísland var hernumið af Bretum í seinni heimsstyrjöld voru nokkrir menn ákærðir og dregnir fyrir dóm fyrir að hafa hvatt breska hermenn með dreifibréfi til þess að ganga ekki í störf Dagsbrúnarmanna sem voru í verkfalli. Bretar litu á þetta sem hvatningu til landráða. Egill Sigurgeirsson, þá ungur lögmaður sem varði mennina, fékk Pétur Magnússon í lið mér sér þegar málið kom fyrir hæstarétt og tók Pétur að sér að verja tvo hinna ákærðu. Var skörungsskapur Péturs við málflutinginn rómaður og fékk hann refsingu mannanna mildaða. [1]
Um þetta var ort:

Er nú komma eina von
orðinn Pétur Magnússon.

Eftirmæli

Egill Sigurgeirsson sagði í blaðaviðtali:[1]
"Pétur var alveg einstakt prúðmenni. Hann var mjög snjall málflutningsmaður og mikið var gaman að heyra og hlusta á Pétur, sérstaklega þegar hann úti í sveit var að flytja landamerkjamál og önnur mál fyrir bændur. Það var unun að hlusta á hann.
Hann beitti þessari aðferð líka þarna þegar þessi mikli mannsöfnuður var í Hæstarétti þá beitti hann þessum persónutöfrum sínum og þessari snilld að hann hreif alla sem hlustuðu á hann."


Fyrirrennari:
Björn Ólafsson
Fjármálaráðherra
(21. október 1944 – 4. febrúar 1947)
 Eftirmaður:
Jóhann Þ. Jósefsson
Fyrirrennari:
Magnús Guðmundsson
Varaformaður Sjálfstæðisflokksins
(desember 1937 – 26. júní 1948)
 Eftirmaður:
Bjarni Benediktsson


Tilvísanir

  1. ↑ 1,0 1,1 Enn af dreifibréfsmálinu (Pétur Pétursson) Morgunblaðið, 29.10.2000, Blaðsíða B 22

Tenglar

Sótt frá „https://is.wikipedia.org/w/index.php?title=Pétur_Magnússon&oldid=1722291“