Pétur Magnússon

Pétur Magnússon
Fæddur	10. janúar 1888(1888-01-10) á Gilsbakka í Hvítársíðu
Dáinn	26. júní 1948 (60 ára) í Boston, Massachusetts, Bandaríkjunum
Þjóðerni	Íslendingur
Menntun	Háskóli Íslands
Störf	Alþingismaður, ráðherra, bæjarfulltrúi, bankastjóri og lögmaður.
Flokkur	Sjálfstæðisflokkurinn
Maki	Þórunn Ingibjörg Guðmundsdóttir Viborg
Börn	Níu
Foreldrar	séra Magnús Andrésson og Sigríður Pétursdóttir Sívertsen

Pétur Magnússon (fæddur á Gilsbakka í Hvítársíðu 10. janúar 1888, látinn 26. júní 1948) var íslenskur stjórnmálamaður og lögmaður.

Pétur lauk stúdentsprófi frá Menntaskólanum í Reykjavík árið 1911 og lögfræðiprófi frá Háskóla Íslands árið 1915. Hann varð yfirréttarmálaflutningsmaður sama ár og hæstaréttarlögmaður árið 1922. Þar að auki var hann málaflutningsmaður í Reykjavík á árunum 1915 til 1941 og aftur árið 1947. Hann var einnig starfsmaður við Landsbanka Íslands árin 1915 til 1920. Pétur var bankastjóri Búnaðarbankans árin 1930 til 1937 og bankastjóri Landsbankans 1941 til 1945. Hann var alþingismaður Sjálfstæðisflokksins frá 1930-1937 og 1942-1948. Þann 21. október 1944 var hann skipaður fjármála-, viðskiptamála- og landbúnaðarráðherra. Hann fékk lausn frá því þann 10. október 1946, en gegndi embættinu til 4. febr. 1947. Hann varð bankastjóri Landsbankans á ný á árunum 1947 til 1948.

Pétur var bæjarfulltrúi í Reykjavík 1922 til 1928 og forseti bæjarstjórnar 1924 til 1926. Hann var framkvæmdastjóri Ræktunarsjóðs 1924 til 1929 og formaður Málflutningsmannafélags Íslands 1926—1930.

Fyrirrennari: Björn Ólafsson	Fjármálaráðherra (21. október 1944 – 4. febrúar 1947)	Eftirmaður: Jóhann Þ. Jósefsson
Fyrirrennari: Magnús Guðmundsson	Varaformaður Sjálfstæðisflokksins (desember 1937 – 26. júní 1948)	Eftirmaður: Bjarni Benediktsson

Tenglar

• Æviágrip á vef Alþingis
• Skörð fyrir skildi, Frjáls verslun, 6. tölublað - Megintexti (20.06.1948), Blaðsíða 135
• Pétur Magnússon bankastjóri, Vesturland, 24. Tölublað (31.07.1948), Blaðsíða 2
• Pétur Magnússon, Nokkur kveðjuorð Höfundur E.O., Þjóðviljinn, 156. Tölublað (14.07.1948), Blaðsíða 5
• Pétur Magnússon bankastjóri, minningarorð Jón G. Maríasson, Bankablaðið, 4. Tölublað (01.12.1948), Blaðsíða 86
• Pétur Magnússon bankastjóri Ó.B.B., Akranes, 1. Tölublað (01.01.1959, Blaðsíða 19
• Pétur Magnússon, 100 ára minning Þóroddur Jónasson, Morgunblaðið, 7. Tölublað (10.01.1988, Blaðsíða 28
• Pétur Magnússon, 100 ára minning Sigurður Bjarnason frá Vigur, Morgunblaðið, 7. Tölublað (10.01.1988, Blaðsíða 32
• Við þjóðveginn Eimreiðin, 4. hefti (01.10.1944), Blaðsíða 16