Ivy League

Ivy League, stofnuð árið 1954, var upphaflega íþróttakeppni á milli átta háskóla í norðausturhluta Bandaríkjanna. Hugtakið er nú frekar notað sem samheiti allra skólanna, en þeir eru: Brown-háskóli, Columbia-háskóli, Cornell-háskóli, Dartmouth-háskóli, Harvard-háskóli, Pennsylvaníuháskóli, Princeton-háskóli og Yale-háskóli.

Ivy League háskólar hafa á sér það orð að vera með bestu háskólum Bandaríkjanna. Mun fleiri sækja um en komast inn, en hlutfall samþykktra umsókna er á bilinu 9% til 20%. Enn fremur keppa skólarnir innbyrðis um góða nemendur. Það er því gjarnan talinn viss heiður að ganga í Ivy League skóla, en að sama skapi er Ivy League stundum tengd menntasnobbi.

Ivy League háskólarnir eru með elstu háskólum í Bandaríkjunum. Harvard-háskóli, sá elsti, var stofnaður 1636, en sá yngsti, Cornell-háskóli, árið 1865. Skólarnir eru allir einkareknir, og eru með auðugustu menntastofnunum heims.

Hugtakið Ivy League er talið vera komið af því að útveggir margra þessara gömlu háskóla eru þakktir bergfléttu (Ivy). Ivy League þýðir í raun „Bergfléttu-deildin“.

Heimildir

• Fyrirmynd greinarinnar var „Ivy League“ á ensku útgáfu Wikipedia. Sótt 10. júní 2007.

Tenglar

Ráð

• Opinber heimasíða Ivy League
  • Leikvellir Ivy League í amerískum fótbolta Geymt 26 október 2009 í Wayback Machine
  • Leikvellir Ivy League í körfuknattleik Geymt 15 janúar 2010 í Wayback Machine
  • Leikvellir Ivy League í íshokkí Geymt 27 september 2007 í Wayback Machine
  • Leikvellir Ivy League í knattspyrnu Geymt 17 október 2008 í Wayback Machine

Meðlimir

• Brown-háskólinn
• Columbia-háskólinn
• Cornell-háskólinn
• Dartmouth-háskólinn
• Harvard-háskólinn
• Princeton-háskólinn
• Pennsylvania-háskólinn
• Yale-háskólinn

  Þessi skólagrein er stubbur. Þú getur hjálpað til með því að bæta við greinina.