Kvískerjabræður

Kvískerjabræður voru bræður úr fjölmennum systkinahópi úr Kvískerjum í Öræfasveit sem fæddust á fyrri hluta 20. aldar. Þeir voru þekktir fyrir þekkingu sína, uppfinningar og fræðastörf:

• Helgi Björnsson (fæddur 2. febrúar 1925, dáinn 27. september 2015).

Helgi var góður teiknari, uppfinningamaður og frumkvöðull. Hann fann til dæmis upp verkfæri sem gerir rúning fjár léttari.

• Hálfdán Björnsson

Hálfdán (fæddur 14. mars 1927, dáinn 13. febrúar 2017 ) var sjálfmenntaður náttúrufræðingur og þjóðkunnur fyrir fjölbreytt náttúrugripasafn og yfirgripsmikla þekkingu á jurta- og dýralífi.

• Sigurður Björnsson (fæddur 24. apríl 1917, dáinn 10. apríl 2008.)

Sigurður skráði sögu Öræfasveitar og ýmsar merkar frásagnir úr sveitinni. Hann var í ritnefnd Skaftfellings og ritaði fjölmargar greinar í blaðið.

• Flosi Björnsson, (fæddur 13. desember 1906, dáinn 22. maí 1993).

Flosi lagði mikla stund á jökla- og náttúrufræði og var sjálflærður í ýmsum erlendum tungumálum með aðstoð orðabóka og málakennslu útvarpsins. Öll menntun hann byggðist á heimanámi. Flosi ræddi helst við erlenda fræðimenn sem komu að Kvískerjum vegna málakunnáttu sinnar.

Önnur systkini þeirra

• Ari Björnsson, (fæddur 2. júní 1909, dáinn 1. maí 1982.)
• Páll Björnsson, (fæddur 25. mars 1914, dáinn 14. mars 1993.)
• Ingimundur Björnsson, (fæddur 4. febrúar, 1921, dáinn 16. september 1962.)
• Guðrún (yngri) Björnsdóttir, (fædd 14. júlí 1910, dáin 24. desember 1999.)
• Guðrún (eldri) Björnsdóttir, (fædd 30. apríl 1908, dáin 7. desember 1991.)

Tengill

Systkinin á Kvískerjum