Gissur Ísleifsson

Gissur Ísleifsson fæddist árið 1042. Foreldrar hans voru Ísleifur Gissurarson Skálholtsbiskup og Dalla Þorvaldsdóttir.

Gissur lærði á Saxlandi og var vígður biskup í Magdeburg 1082, tveimur árum eftir að Ísleifur faðir hans lést. Hann gaf Skálholt til biskupsstóls og mælti svo um "að þar skyldi ávallt biskupsstóll vera meðan Ísland væri byggt og kristni má haldast". [Hungurvaka]

Gissur var helsti frumkvöðullinn að því, að tíund yrði lögtekin á Íslandi og náðist það fram á Alþingi árið 1097.

Gissur lést í Skálholti árið 1118 eftir að hafa verið biskup í 36 ár.

Fyrirrennari: Ísleifur Gissurarson

Skálholtsbiskup (1082 – 1118)

Eftirmaður: Þorlákur Runólfsson