Segura

Segura er á í suðausturhluta Spánar. Upptök árinnar eru í Sierra de Segura. Áin kemur upp í Santiago Pontones í Jaén héraði, fer gegnum Calasparra, Cieza, , Múrsía, Beniaján, Orihuela, Rojales og rennur til sjávar í Miðjarðarhafið nálægt Guardamar del Segura í Alicantehéraði.

Upptök Segura árinnar.

Kort sem sýnir staðsetningu Rio Segura á Spáni

Vega Alta del Segura nálægt Calasparra, Múrsía, þekkt fyrir hrísgrjónarækt.

Segura fljótið þar sem það rennur gegnum borgina Múrsía. Í baksýn er elsta brú borgarinnar „Puente de los Peligros“

The Vega Baja del Segura í Orihuela, Alicante.

Vatnasvæði árinnar er kallað Vega del Segura og er mjög frjósamt landbúnaðarsvæði þar sem ýmis konar ávextir, grænmeti og blóm eru ræktuð. Vegas skiptist í þrjú svæði: Alta, Media og Baja (efri, miðju og lægri).

Um 1990 var Segura orðin ein af menguðust ám í Evrópu. Var það vegna niðursuðuiðnaðar og annars iðnaðar og landbúnaðar sem var á vatnasvæði árinnar. Mjög lítið rennsli var sums staðar í ánni, bæði vegna áveitu sem tók vatn úr ánni og sumarþurrka. Almenningur mótmælti ástandi árinnar og árið 2001 mættu 40 þúsund í mótmæli. Það var ráðist í aðgerðir á vegum héraðsstjórnar Múrsía og bæjaryfirvalda á svæðinu. Á árunum 2001 og 2010 voru byggðar 100 vatnshreinsistöðvar og 350 km af skolpleiðslum. Einnig var ráðist í átak þar sem kostnaði af hreinsun árinnar var velt á þá aðila sem menguðu.

Upp úr 2003 urðu vatnsgæði Segura betri. Frá árinu 2010 hefur mengun verið hverfandi og dýra- og jurtalíf aukist og otrar komið aftur í þá hluta árinnar sem þeir höfðu yfirgefið. Griðland fugla er nú á tveimur votlendissvæðum þar sem fuglar staldra við á leið sinni milli Evrópu og Afríku. Auk þess er núna 110 milljón rúmmetrar af hreinsuðu vatni endurnotað árlega í landbúnaði á svæðinu.

Otrar og álar hafa komið aftur í ánna en áður höfðu þessar tegundir ekki sést þar í marga áratugi

Heimild

Fyrirmynd greinarinnar var „Segura“ á ensku útgáfu Wikipedia. Sótt 15. september 2019.

Tenglar

• Segura's river basin body "Confederación Hidrográfica del Segura"
• Chronology of the main floods occurred in the river basin, beginning with Santa Teresa flood.