Prentari

Prentari framleiddur af Lexmark.

Prentari er jaðartæki sem er notað til að skapa útprentanir af skjölum, sem eru vistuð í tölvu, á pappír eða pappa til dæmis. Flestir prentarar eru tengdir tölvu með USB-kapli, sem flytur prentara gögn til að prenta út. Það eru líka til netprentarar, það er að segja prentarar sem eru tengdir staðarneti með Ethernet-kapli. Þessir prentarar geta verið notaðir af mörgum tölvum tengdum staðarnetinu. Oft geta prentarar tengst bæði staðartölvum eða tölvum í staðarneti. Auk þess geta margir nútímaprentarar prentað út beint úr minnisbúnaði eins og minniskorti eða vasaminni, matað tölvunni gögn með skanna, sent þessi gögn í símabréfi eða ljósritað skjöl. Þessi tegund af prentara heitir fjölnotatæki.

Nútímaprentarar eru byggðir á ýmsum prentunartækjum og þess vegna eru nokkrar gerðir til:

• Geislaprentari – notar stöðurafmagn til þess að setja prentduft á blað
• Bleksprautuprentari – litlir blekdropar kastast á blað, algengastur á heimilum
• Hitaprentari – hitar svæði á hitanæmum pappír, oftast notaðir til að prenta út kvittanir og annað slíkt

Það eru líka nokkrar gerðir af prentunartækjum sem eru ekki lengir notaðar:

• Nálaprentari – notar nál til að setja punkta á blað
• Leturhjólsprentari – virkar eins og ritvél, allir bókstafir eru á hjóli sem snýst til að rita orð
• Línuprentari – prentar út eina textalínu í einu
• Teiknari – notar penna sem færist yfir yfirborð blaðsíðu

Tengt efni

• Fjölnotatæki
• Prentari (útgáfandi)
• Prentun
• Prentþjónn

  Þessi tölvunarfræðigrein er stubbur. Þú getur hjálpað til með því að bæta við greinina.