„Hið íslenska bókmenntafélag“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Cessator (spjall | framlög)
Ekkert breytingarágrip
Ekkert breytingarágrip
Lína 12: Lína 12:
==Tengill==
==Tengill==
*[http://www.hib.is Vefsíða Hins íslenska bókmenntafélags]
*[http://www.hib.is Vefsíða Hins íslenska bókmenntafélags]

[[no:Hið íslenzka bókmenntafélag]]


{{Stubbur}}
{{Stubbur}}

Útgáfa síðunnar 2. desember 2006 kl. 13:54

Hið íslenska bókmenntafélag var stofnað árið 1816 af Bjarna Thorarensen, Bjarna Thorsteinssyni, Árna Helgasyni og Rasmus Kristjáni Rask og er enn þá starfandi. Hið íslenska lærdómslistafélag var formlega sameinað hinu íslenska bókmenntafélagi árið 1818. Félagið hefur gefið út mörg rit frá stofnun, þá helst íslensk, en helst er það þekkt fyrir fræðiritið (áður fréttamiðill) Skírni sem hefur verið gefið út síðan 1827.

Hið íslenska bókmenntafélag er elsta starfandi félag á landinu. Um skeið var Jón Sigurðsson (f. 1811, d. 1879) forseti þess og festist það við hann og er hann þess vegna jafnan kallaður Jón forseti.

Lærdómsrit Hins íslenzka bókmenntafélags

Frá árinu 1970 hefur bókmenntafélagið gefið út ritröðina Lærdómsrit Hins íslenzka bókmenntafélags. Í ritröðinni eiga að vera sígild fræðirit, „tímamótaverk í sögu mannlegrar hugsunar“ og önnur fræðileg rit sem þykja framúrskarandi góð og „sem hlotið hafa skýlaust lof“. Þótt ætlunin með ritröðinni hafi ekki verið að geyma fagurbókmenntir hefur eigi að síður myndast hefð fyrir því að gefa út þýðingar á ýmsum bókmenntum fornaldar sem lærdómsrit, enda teljast þau oftar en ekki tímamótaverk í sögu mannlegrar hugsunar. Flest eru ritin þýðingar úr erlendum málum en einnig eru nokkur rit íslensk. Ritin eru nú orðin 61 talsins og koma nokkur rit út árlega.

Lærdómsritin voru um margt nýlunda í íslenskri bókaútgáfu, ekki síst vegna ritstjórnar ritraðarinnar og þeirrar ritstjórnarstefnu að hver þýðing skyldi unnin af sérfróðum manni og lesin yfir af minnst tveimur öðrum sérfróðum mönnum. Ítarlegur inngangur er að hverju riti og skýringar aftanmáls.

Stofnandi ritraðarinnar var Þorsteinn Gylfason sem ritstýrði henni til ársins 1997. Þorsteinn Hilmarsson aðstoðaði við ritstjórn lærdómsritanna frá 1985 og var aðstoðarritstjóri 1989-1997. Vilhjálmur Árnason tók við ritstjórninni 1997 en núverandi ritstjórar eru Ólafur Páll Jónsson og Björn Þorsteinsson.

Tengill

  Þessi grein er stubbur. Þú getur hjálpað til með því að bæta við greinina.