„Ragnar Kjartansson (myndhöggvari)“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Addbot (spjall | framlög)
m Bot: Flyt 2 tungumálatengla, sem eru núna sóttir frá Wikidata á d:q2127286
Lína 9: Lína 9:
== Tenglar ==
== Tenglar ==
* http://www.umm.is/UMMIS/Listamenn/Listamadur/467
* http://www.umm.is/UMMIS/Listamenn/Listamadur/467
* [[ http://timarit.is/view_page_init.jsp?pageId=1578893|Ragnar Kjartansson myndhöggvari sextugur, Morgunblaðið, 189. tölublað (21.08.1983), Blaðsíða 40]]


[[Flokkur:Íslenskir myndlistarmenn]]
[[Flokkur:Íslenskir myndlistarmenn]]

Útgáfa síðunnar 11. janúar 2019 kl. 16:21

Ragnar Kjartansson (fæddur 17. ágúst 1923 á Staðastað á Snæfellsnesi, dáinn 26. október 1988 í Reykjavík) var íslenskur myndhöggvari og leirkerasmiður.

Ragnar lærði leirkerasmíði hjá Guðmundi Einarssyni frá Miðdal 1939-1944 og stundaði listnám í Handíðaskólanum 1941-1944 og var síðar við nám í Svíþjóð. Hann var nemandi Ásmundar Sveinssonar um nokkurn tíma og var síðar aðstoðarmaður hans. Ragnar var skólastjóri Myndlistarskólans í Reykjavík, tók virkan þátt í mótun hans og var frumkvöðull í myndlistarkennslu fyrir börn en hann hafði aflað sér menntunar á því sviði í Danmörku. Hann var einn af mikilvirkustu hönnuðum leirmunagerðar á Íslandi á sínum tíma, stofnaði ásamt fleirum Funa og síðar Glit og vann mest í íslenskan leir. Frá 1946 þegar hann stundaði nám í Svíþjóð gerði hann ýmsar tilraunir m.a. blandaði hann hrauni í leirinn sem seinna kallaðist hraunkeramik.

Ragnar Kjartansson var ásamt Jóni Gunnari Árnasyni í forsvari fyrir „Útisýningarnar á Skólavörðuholti“. Sú fyrsta var haldin 1967 en þær voru tímamótasýningar í íslenskri myndlist. Í kjölfari þeirra var „Myndhöggvarafélagið í Reykjavík“ stofnað árið 1972 og var Ragnar einn af aðalhvatamönnum að stofnun þess. Hann var í forsvari fyrir því að myndhöggvarafélagið fékk aðstöðu á Korpúlfsstöðum. Ennfremur var hann einn af stofnfélögum Nýlistasafnsins.

Verk hans má finna víða um land til dæmis Stóðið við Gömlu Hringbraut í Reykjavík, Stóðhesturinn á Sauðarkróki, Bárður Snæfellsás á Arnarstapa á Snæfellsnesi og sjómennina á Ísafirði. Hann hélt fjölda einka- og samsýninga og verk hans er að finna á öllum helstu söfnum á Íslandi.

Tenglar