„Jarðgöng á Íslandi“: Munur á milli breytinga
DoctorHver (spjall | framlög) →Jarðgangagerð hafin: Vaðlaheiðagöng hafa verið opnuð. |
|||
Lína 137: | Lína 137: | ||
=== Jarðgangagerð hafin === |
=== Jarðgangagerð hafin === |
||
* [[Vaðlaheiðargöng]]: ([[Eyjafjörður]]-[[Fnjóskadalur]]) - Fyrsta jarðgangasprenging var 3.7.2013 og gert er ráð fyrir að framkvæmdum verði lokið haustið 2018.<ref>http://www.visir.is/vadlaheidargong-opnud-haustid-2018/article/2017170319009</ref> |
|||
* [[Dýrafjarðargöng]]: ([[Arnarfjörður]]-[[Dýrafjörður]]) - Fyrsta jarðgangasprenging var 14.9.2017 og gert er ráð fyrir að framkvæmdum verði lokið árið 2020. |
* [[Dýrafjarðargöng]]: ([[Arnarfjörður]]-[[Dýrafjörður]]) - Fyrsta jarðgangasprenging var 14.9.2017 og gert er ráð fyrir að framkvæmdum verði lokið árið 2020. |
||
Útgáfa síðunnar 2. janúar 2019 kl. 17:39
Þetta er listi yfir jarðgöng á vegakerfi Íslands.
Núverandi jarðgöng
Nafn | Lengd (m) | Byggð | Akreinar | Sveitarfélag | Landsvæði | Metrar yfir/undir sjávarmáli |
---|---|---|---|---|---|---|
Almannaskarðsgöng | 1.312 | 2004–2005 | 2 | Sveitarfélagið Hornafjörður | Austurland | |
Arnarnessgöng eða Arnardalshamar | 35 | 1948 | 2 | Ísafjarðarbær | Vestfirðir | |
Bolungarvíkurgöng eða Óshlíðargöng | 5.156 | 2008–2010 | 2 | Ísafjarðarbær / Bolungarvíkurkaupstaður | Vestfirðir | |
Fáskrúðsfjarðargöng | 5.900 | 2003–2005 | 2 | Fjarðabyggð | Austurland | |
Héðinsfjarðargöng nyrðri | 3.640 | 2006–2010 | 2 | Fjallabyggð | Norðurland eystra | |
Héðinsfjarðargöng syðri | 6.930 | 2006–2010 | 2 | Fjallabyggð | Norðurland eystra | |
Húsavíkurhöfðagöng | 943 | 2012–2017 | 2 | Norðurþing | Norðurland eystra | |
Hvalfjarðargöng | 5.762 | 1996–1998 | 2–3 | Reykjavík / Hvalfjarðarsveit | Höfuðborgarsvæðið og Vesturland | 165 m undir sjávarmáli |
Norðfjarðargöng | 7.542 | 2013–2017 | 2 | Fjarðabyggð | Austurland | |
Ólafsfjarðargöng eða Múlagöng | 3.400 | 1988–1990 | 1 | Fjallabyggð | Norðurland eystra | |
Strákagöng | 800 | 1965–1967 | 1 | Fjallabyggð | Norðurland eystra | |
Vestfjarðagöng* | 9.113 | 1991–1996 | 1–2 | Ísafjarðarbær | Vestfirðir |
- Vestfjarðagöng samanstanda af þremur leggjum sem mætast inni í göngunum; Tungudalslegg (til Skutulsfjarðar), 2 km; Breiðadalslegg (til Önundarfjarðar), 4 km; og Botnsdalslegg (til Súgandafjarðar), 3 km. Tungudalsleggur er tvíbreiður, en að öðru leyti eru þau einbreið.
- Að auki er að finna einn yfirbyggðan stokk á Höfuðborgarsvæðinu. Sá liggur undir Kópavogsháls milli Hamraborgar og Digranesvegar en Hafnarfjarðarvegur liggur um hann. Upprunalega voru þetta tvær brýr sem byggðar voru milli 1970 og 1975 og á milli þeirra lá vegurinn í gjá uns byggt var yfir gjána og brýrnar tengdar saman á árunum 2002-2008. Nú er Hálsatorg að finna ofanjarðar yfir gjánni ásamt stjórnsýsluhúsi Kópavogs og fleiri þjónustustofnunum.
Aflögð jarðgöng
Nafn | Lengd (m) | Byggð | Aflögð | Akreinar | Sveitarfélag | Landsvæði | Metrar yfir/undir sjávarmáli |
---|---|---|---|---|---|---|---|
Oddskarðsgöng | 626 | 1972–1977 | 2017 | 1 | Fjarðabyggð | Austurland | 632 m yfir sjávarmáli |
Jarðgöng í framkvæmd
Jarðgangagerð hafin
- Dýrafjarðargöng: (Arnarfjörður-Dýrafjörður) - Fyrsta jarðgangasprenging var 14.9.2017 og gert er ráð fyrir að framkvæmdum verði lokið árið 2020.
Jarðgöng í rannsóknar-, útboðs-, samninga- og undirbúningsferli
- Fjarðarheiðargöng eða Seyðisfjarðargöng (Seyðisfjörður-Egilsstaðir) - Rannsóknarboranir hófust á fyrrihluta ársins 2016. Áætluð jarðgangagerð hefst 2020.
Fyrirhuguð jarðgöng
Jarðgöng í forgangi á gildandi samgönguáætlun
Mögulegar viðbætur gerðar fyrir núverandi göng byggð fyrir árið 2000
Rætt hefur verið um möguleika til aukningar á afkastagetu flestra eldri ganga.
- Hvalfjarðargöng: Ný göng samsíða eða á nýjum stað til að auka afkastagetu jarðganganna.
- Múlagöng: Útvíkkun ganga vegna mögulegrar umferðaraukningar eftir opnun Héðinsfjarðarganga.
- Hugsanleg jarðgöng undir Siglufjarðarskarð myndu leysa af hólmi Strákagöng.
- Engin áform eru um útvíkkun Vestfjarðaganga.
- Arnardalshamar er á vegi sem myndi færast í önnur fyrirhuguð göng á sömu slóðum; Ísafjörður-Súðavík.
Væntanleg eða möguleg jarðgöng
Helstu framtíðaráform eða möguleikar í jarðgangamálum
Hér eru teknir saman framtíðarmöguleikar af jarðgangaáætlun frá 2000, samgönguáætlun 2007-2018 og svæðisskipulagi Höfuðborgarsvæðisins 2001-2024. Athugasemdir gerðar við leiðir frá jarðgangaáætlun.
Suðurland
- Göng undir Reynisfjall í Mýrdal.
- Göng til Vestmannaeyja
Suðvesturland
- Göng undir Hellisheiði; Þessi munu tæpast verða gerð.
- Á Höfuðborgarsvæðinu.
- Göng undir Skólavörðuholt (Holtsgöng); þau voru slegin út af borðinu árið 2010.
- Göng undir Öskjuhlíð.
- Göng undir Digranesháls í Kópavogi.
- Sundagöng á Sundabraut undir Elliðaárvog.
Vesturland
- Göng milli Staðarsveitar og Kolgrafafjarðar; Vatnaleið var gerð til að laga sömu samgöngur og göngin áttu að laga.
- Göng undir Bröttubrekku; Vegurinn var lagfærður og lagður eilítið vestar, eða um Dalafjall. Þörf ganga minni en áður.
Vestfirðir
- Göng undir Hjallaháls; valkostur gagnvart umdeildum fyrirhuguðum vegi um Teigskóg í Þorskafirði.
- Göng undir Klettsháls; Vegurinn hefur verið lagfærður og hefur minnkað þörf fyrir göngin nokkuð.
- Göng undir Dynjandisheiði.
- Göng milli Ísafjarðar og Súðavíkur.
- Göng undir Eyrarfjall í Djúpi; Nýr vegur meðfram ströndinni, um Vatnsfjarðarháls og brú á Mjóafjörð gerir þessi göng nær óþörf.
- Göng undir Tröllatunguheiði; Vegurinn um Þröskulda) gerir göngin óþörf.
Norðurland
- Göng undir Öxnadalsheiði; afbrigði í undirpunkti.
- Göng undir Heljardalsheiði.
- Göng milli Hjaltadals og Hörgárdals.
- Göng undir Siglufjarðarskarð, myndu gera Strákagöng og veginn um Almenninga óþarfan, gert er ráð fyrir þeim á aðalskipulagi Fjallabyggðar og Skagafjarðar.
Austurland og -firðir
- Göng milli Héraðs og Vopnafjarðar.
- Göng um Mið-Austurland; Hérað-Seyðisfjörður-Mjóifjörður-Norðfjörður.
- Göng milli Fáskrúðsfjarðar og Stöðvarfjarðar.
- Göng milli Stöðvarfjarðar og Breiðdalsvíkur.
- Göng milli Skriðdals eða Breiðdals og Berufjarðar; Mögulega óþörf með tilkomu nýs vegar um Öxi.
- Göng undir Berufjörð; Munu aðallega nýtast Suðurfjörðum Austfjarða ef vegur um Öxi verður aðalvegur, annars mikilvæg tenging fyrir göng í Skriðdal eða Breiðdal.
- Göng undir Lónsheiði.
Mögulegir yfirbyggðir stokkar á Höfuðborgarsvæðinu
Á undanförnum árum hefur oft verið rætt um að grafa niður stóru umferðargötur Höfuðborgarsvæðisins en lítið af því hefur komist í framkvæmd. Oft hefur það fylgt pólitískum línum og straumum hverju sinni hvaða hugmyndir eru ofan á. Margir stokkar eru til á teikniborðinu en frekar óljóst er hvort þeir komast til framkvæmda í nánustu framtíð. Vegna hugmynda um borgarlínu og niðurskurð í almennum vegaframkvæmdum í Reykjavík hefur það ollið enn meiri óvissu um þennan möguleika.
Heimildir
- Jarðgöng á vegakerfinu (Vegagerðin)
- Samgönguáætlun (Vegagerðin)
- Jarðgangaáætlun (Vegagerðin)
- Svæðisskipulag Höfuðborgarsvæðisins 2001-2004 (Samband sveitarfélaga á Höfuðborgarsvæðinu)