„Alþingiskosningar 2017“: Munur á milli breytinga

Úr Wikipediu, frjálsa alfræðiritinu
Fletta í gegnum breytingarskrá
← Eldri breytingNýrri breyting →
Efni eytt Efni bætt við
MyndræntWiki-texti
Ekkert breytingarágrip
m Tók aftur breytingar 157.157.117.73 (spjall), breytt til síðustu útgáfu DoctorHver
Lína 66: Lína 66:
|{{Sjálfstæðis}}
|{{Sjálfstæðis}}
| bgcolor="#0000ff" |
| bgcolor="#0000ff" |
|[[Bjarni Benediktsson (f. 1970)|Bjarni Benediktsson]]
⚫
|Sigmundur Davíð Gunnlaugsson
| align="right" |49.543
| align="right" |49.543
| align="right" |25,3
| align="right" |25,3
Lína 96: Lína 96:
|Miðflokkurinn
|Miðflokkurinn
|
|
⚫
|Sigmundur Davíð Gunnlaugsson
|Bjarni Benediktsson
|21.335
|21.335
|10,9
|10,9

Útgáfa síðunnar 17. nóvember 2017 kl. 11:15

Herbergi fyrir utankjörfundar-atkvæðagreiðslu sem sýnir kjörkassa og kjörklefa í Smáralind fyrir Alþingiskosningar 2017.

Alþingiskosningar voru boðaðar haustið 2017 eftir að ríkisstjórn Sjálfstæðisflokks, Viðreisnar og Bjartrar framtíðar klofnaði þann 15. september í kjölfar hneykslismála vegna uppreistar æru kynferðisafbrotamanna.[1] Björt framtíð ákvað að yfirgefa stjórnarsamstarfið, í yfirlýsingu var ástæðan sögð „alvarlegur trúnaðarbrestur innan ríkisstjórnarinnar“.[2] Nokkrum dögum síðar tilkynnti Tryggvi Gunnarsson, umboðsmaður Alþingis, stjórnskipunar- og eftirlitsnefnd Alþingis að hans niðurstaða væri að engar reglur um trúnað hefðu verið brotnar í tengslum við málið.[3]

Fyrirhugaðar kosningar verða 28. október.[4] Þetta verða 23. kosningar til Alþingis frá lýðveldisstofnun. Þessi ríkisstjórn hafði aðeins setið í um ár eða frá Alþingiskosningum 2016.

Framboð

Sjö flokkar áttu fulltrúa á þingi sem buðu fram í kosningunum og voru þeir: Sjálfstæðisflokkurinn, Samfylkingin, Björt framtíð, Framsóknarflokkurinn, Viðreisn, Vinstrihreyfingin - grænt framboð og Píratar. Framboð sem ekki áttu mann á þingi sem nú buðu fram voru: Dögun, Íslenska þjóðfylkingin, Flokkur fólksins, Miðflokkurinn og Alþýðufylkingin.

Alþýðufylkingin

Alþýðufylkingin býður fram í þriðja sinn. Flokkurinn hefur ekki áður fengið þingmann kjörinn og fékk 0,3% atkvæða í síðustu kosningum. Um miðjan september biðlaði Alþýðufylkingin til stuðningsmanna sinna að leggja hönd á plóg og bjóða sig fram undir þeirra formerkjum.[5] Alþýðufylkingin býður fram í fjórum kjördæmum, Reykjavíkurkjördæmi norður, Reykjavíkurkjördæmi suður, Norðausturkjördæmi og Suðvesturkjördæmi. Degi fyrir kosningarnar sendi Alþýðufylkingin út yfirlýsingu og fordæmdi þau vinnubrögð RÚV að bjóða ekki formanni Alþýðufylkingarinnar að taka þátt í leiðtogakappræðum sama dag.[6]

Björt framtíð

Björt framtíð býður fram í þriðja sinn. Flokkurinn hafði fengið 8,2% og 6 þingmenn kjörna í síðustu kosningum.[7] Flokkurinn býður fram í öllum kjördæmum.

Dögun

Dögun býður fram í þriðja sinn. Flokkurinn hefur ekki áður náð manni á þing og hafði fengið 1,7% atkvæða í síðustu kosningum. Dögun tilkynnti 1. október að hún mundi ekki bjóða fram á landsvísu en eftirléti svæðisfélögum að bjóða fram T-lista ef þau vildu. Dögun býður fram í einu kjördæmi, Suðurkjördæmi.[8]

Flokkur fólksins

Flokkur fólksins býður fram í annað sinn. Flokkurinn hefur ekki áður náð manni á þing og fékk 3,5% atkvæða í síðustu kosningum. Flokkurinn býður fram í öllum kjördæmum.[9]

Framsókn

Framsóknarflokkurinn hefur tekið þátt í öllum 23 Alþingiskosningum sem farið hafa fram frá lýðveldisstofnun. Flokkurinn fékk 11,% í síðustu kosningum og 8 þingmenn kjörna. Flokkurinn býður fram í öllum kjördæmum.

Miðflokkurinn

Miðflokkurinn, nýtt stjórnmálaafl Sigmunds Davíðs Gunnlaugssonar, býður fram í öllum kjördæmum.[10][11]

Vinstri grænir

Vinstri grænir bjóða fram í sjöunda sinn. Landsfundur Vinstri grænna var haldinn helgina 6.-8. október.[12] Flokkurinn fékk 15,9% atkvæða í síðustu kosningum og 10 menn kjörna. Flokkurinn býður fram í öllum kjördæmum.

Píratar

Píratar bjóða fram í þriðja sinn. Flokkurinn fékk 14,5% atkvæða í síðustu kosningum og 10 menn á þing. Píratar tilkynntu um úrslit prófkjara 30. september. Píratar munu bjóða fram í öllum kjördæmum.[13]

Samfylkingin

Samfylkingin býður fram í sjöunda sinn. Flokkurinn galt afhroð í síðustu kosningum og fékk 5,7% atkvæða og þrjá þingmenn. Listar Samfylkingarinnar fyrir Reykjavíkurkjördæmin voru tilkynntir 30. september.[14] Flokkurinn býður fram í öllum kjördæmum.

Sjálfstæðisflokkurinn

Sjálfstæðisflokkurinn hefur tekið þátt í öllum 23 Alþingiskosningum sem farið hafa fram frá lýðveldisstofnun. Flokkurinn fékk 29,% í síðustu kosningum og 23 þingmenn kjörna. Flokkurinn býður fram í öllum kjördæmum. Barnaníðingsmálið virtist hafa haft slæm áhrif á flokkinn.[15]

Viðreisn

Viðreisn býður fram í annað sinn. Flokkurinn fékk 10,5% atkvæða í síðustu kosningum og 7 þingmenn kosna.[16] Flokkurinn býður fram í öllum kjördæmum.

Framboð sem ekki buðu fram

Sósíalistaflokkur Íslands sem varð til þann 1. maí á sama ári ákvað á almennum félagsfundi að bjóða ekki fram.[17]

Íslenska þjóðfylkingin hafði tilkynnt og framboð og skilað inn meðmælendalistum þegar í ljós kom að sumar undirskriftir voru falsaðar. Í kjölfarið voru listarnir afturkallaðir, hætt við framboðin og hlutaðeigandi tilkynntir til lögreglu. [1] [2] [3]

Frelsisflokkurinn tilkynnti í lok september að hann mundi ekki bjóða fram.

Skoðanakannanir

Skoðanakannanir í aðdraganda kosninganna sýndu Vinstri græna og Sjálfstæðisflokkinn sterkustu flokkana. [4] [5] [6] [7] [8]

Í könnun sem Félagsvísindastofnun birti þann 7.október kom fram að VG var stærsti flokkurinn með 29% fylgi, en Sjálfstæðisflokkurinn með 24% fylgi.[18]

Úrslit Alþingiskosninga 2017

Flokkur Formenn Atkvæði % +/- Þingmenn % +/-
Merki Sjálfstæðisflokksins Sjálfstæðisflokkurinn Bjarni Benediktsson 49.543 25,3 -3,8 16 25,4 -5
Merki Vinstri grænna Vinstrihreyfingin – grænt framboð Katrín Jakobsdóttir 33.155 16,9 +1 11 17.5 +1
Merki Samfylkingarinnar Samfylkingin Logi Már Einarsson 23.652 12,1 +6,4 7 11,1 +4
Miðflokkurinn Sigmundur Davíð Gunnlaugsson 21.335 10,9 +10,9 7 +7
Merki Framsóknar Framsóknarflokkurinn Sigurður Ingi Jóhannsson 21.016 10,7 -0,8 8 0
Merki Pírata Píratar - 18.051 9,2 -5,3 6 -4
Flokkur fólksins Inga Sæland 13.502 6,9 +3,4 4 +4
Viðreisn Þorgerður K. Gunnarsdóttir 13.122 6,7 -3,8 4 -3
Merki Bjartrar framtíðar, fjólublár skjöldur Björt framtíð Óttar Proppé 2.394 1,2 -6 -4
Merki Alþýðufylkingarinnar Alþýðufylkingin Þorvaldur Þorvaldsson 375 0,2 -0,1
merki framboðsins Dögunar, kría á kringlóttum grunni sem líkist sólarupprás Dögun Helga Þórðardóttir 101 0,1 -1,6

Umfjöllun erlendis

Fjölmiðlar erlendis lögðu áherslu á óstöðugleika í íslenskum stjórnmálum þar sem þetta voru aðrar kosningar á aðeins ársbili sem haldnar væru á Íslandi eftir fall ríkisstjórnar.[19][20][21][22]

Tilvísanir

  1. ↑ „Björt framtíð slítur stjórnarstarfi“.
  2. ↑ „BJÖRT FRAMTÍÐ SLÍTUR RÍKISSTJÓRNARSAMSTARFI“.
  3. ↑ ,,Umboðsmaður: Sigríður braut ekki trúnað"
  4. ↑ Útlit fyrir kosningar 28. október. Rúv, skoðað 17. september, 2017.
  5. ↑ „Alþýðufylkingin býr sig undir kosningar“.
  6. ↑ „Yfirlýsing Alþýðufylkingarinnar vegna kosningaumfjöllunar 2017“.
  7. ↑ „Listarnir 2017 - Björt framtíð“.
  8. ↑ „Framboðslisti Suðurkjördæmi“.
  9. ↑ „Inga og Ólaf­ur leiði list­ann í Reykja­vík“.
  10. ↑ „Flokk­ur Sig­mund­ar heit­ir Miðflokk­ur­inn og býður fram und­ir X-M“.
  11. ↑ „Framboðslistar“.
  12. ↑ Landsfundur VG
  13. ↑ „Úrslit úr öllum prófkjörum Pírata“.
  14. ↑ „Helga Vala og Ágúst Ólafur leiða í Reykjavík“.
  15. ↑ „Listar Sjálfstæðisflokks í Reykjavík samþykktir: Sigríður Andersen leiðir Reykjavík suður“.
  16. ↑ „Framboðslisti Viðreisnar í Norðvesturkjördæmi“.
  17. ↑ „Sósíalistaflokkurinn býður ekki fram“.
  18. ↑ „Fylgi flokka þegar mánuður er til kosninga“.
  19. ↑ „Iceland set for second snap election in a year after series of scandals“. Guardian. 2017.
  20. ↑ „Everything you need to know about Iceland's election“. Al Jazeera.
  21. ↑ „Icelanders May Look Beyond Scandal to Vote With Their Wallets“. Bloomberg.
  22. ↑ Wolfgang Hansson. „Nordens Nordkorea?“. Aftonbladet.

Tenglar


Fyrir:
Alþingiskosningar 2016 		Alþingiskosningar Eftir:
Alþingiskosningar 2021
Sótt frá „https://is.wikipedia.org/w/index.php?title=Alþingiskosningar_2017&oldid=1571231“