Kosningabarátta Samfylkingarinnar fyrir Alþingiskosningarnar 2016

Merki Samfylkingarinnar

Bryndís Ísfold Hlöðversdóttir var ráðin kosningastjóri flokksins í byrjun ágúst en hún hafði áður starfað fyrir kosningabaráttu Bill de Blasio borgarstjóra New York.

Val á framboðslista

Reykjavíkurkjördæmi

Samfylkingarfélagið í Reykjavík ákvað að halda rafrænt flokksval til að skipa á listana í Reykjavíkurkjördæmunum tveimur 8.-10. september. Frambjóðendur munu bjóða sig fram á einn lista og byggt á því munu efstu frambjóðendurnir fá að velja á milli þess að taka sæti í Reykjavík norður eða suður. Niðurstöður flokksvalsins munu vera bindandi fyrir 8 efstu sætin og mun kjörstjórn svo skipa hin sætin og mun hún byggja val sitt á niðurstöðunum í hinum sætunum. Reglur flokksins kveða á um að jafnt hlutfall kynja skuli skipa lista flokksins og auk þess mun einn af þremur efstu frambjóðendunum á listanum vera yngri en 35 ára.

Össur Skarphéðinsson og Sigríður Ingibjörg Ingadóttir höfðu skipað efstu sætin á listum flokksins í höfuðborginni í kosningunum 2013 og sóttust þau bæði eftir endirkjöri.

Frambjóðandi	Sæti sem sóst er eftir	Úrslit
Össur Skarphéðinsson	1.
Sigríður Ingibjörg Ingadóttir	1.
Eva Baldursdóttir	2-3.
Auður Alfa Ólafsdóttir	3-4.
Þórarinn Snorri Sigurgeirsson	4-6.
Helgi Hjörvar
Valgerður Bjarnadóttir	1-2.
Sigurður Hólm Gunnarsson	3-4.
Magnús Már Guðmundsson	3-4.
Steinunn Ýr Einarsdóttir	3-4.
Jóhanna Vigdís Guðmundsdóttir	3.

Suðvesturkjördæmi

Árni Páll Árnason, fyrrverandi formaður og ráðherra flokksins, sækist áfram eftir oddvitasætinu á lista flokksins.

Ákveðið var að halda flokksval í Suðvesturkjördæmi þar sem allir skráðir flokksmenn í kjördæminu gátu boðið sig fram og kosið á milli frambjóðenda. Flokksvalið mun fara fram 8.-10. september í gegnum bæði rafræna og hefðbundna kosningu. Niðurstöður flokksvalsins munu vera bindandi fyrir fjögur efstu sætin á listanum, en kjörstjórn mun skipa hin sætin og mun byggja val sitt á niðurstöðunum í hinum sætunum. Reglur flokksins kveða á um að jafnt hlutfall kynja skuli skipa lista flokksins og auk þess mun einn af þremur efstu frambjóðendunum á listanum vera yngri en 35 ára.

Fyrir kosningarnar 2013 hafði Árni Páll Árnason, þáverandi formaður flokksins, leitt listann í Suðvesturkjördæmi og tilkynnti hann um ákvörðun sína um að sækjast áfram eftir oddvitasætinu þann 17. ágúst 2016. Hann sagði ákvörðun sína byggja að hluta til á því að bæði Katrín Júlíusdóttir og Magnús Orri Schram ætluðu ekki aftur í framboð og ljóst væri að gríðarlegu endurnýjun myndi vera á listanum. Þann 19. ágúst tilkynnti Margrét Tryggvadóttir, fyrrverandi þingmaður Hreyfingarinnar og einn af stofnendum Dögunnar, að hún hefði skráð sig í flokkinn og byði sig fram í fyrsta eða annað sæti á listanum. Margrét Gauja Magnúsdóttir og Sema Erla Serdar voru líka í framboði um annað sætið á listanum, en báðar höfðu verið í framboði til varaformanns á Landsfundinum fyrr á árinu en þá lutu þær í lægra haldi fyrir Loga Einarssyni. Símon Birgisson, fyrrum formaður Ungra jafnaðarmanna, bauð sig svo fram í 3. sætið á listanum en hann hafði ekki áður boðið sig fram í prófkjöri flokksins.

Frambjóðandi	Sæti sem sóst er eftir	Úrslit
Árni Páll Árnason	1.
Margrét Tryggvadóttir	1-2.
Símon Birgisson	3.
Guðmundur Ari Sigurjónsson	3.
Margrét Gauja Magnúsdóttir	2.
Sema Erla Serdar	2.