Spjall:Dreifð eignaraðild

Set þetta hérna þar til ég velti því fyrir mér hvar þessu væri best fyrir komið - eða hvort þetta sé umfremi, en það er ágætt að hafa þetta hérna til að grípa til.

Varðandi þær spurningar sem hv. þm. beindi til mín um dreifða eignaraðild þá hefur komið fram að ég er trúaður á að til þess sé ýtrasta nauðsyn að fjármálastofnanir í fámennu landi séu í dreifðri eignaraðild. Ég get ekki hugsað mér aðra skipan á þeim málum. Ég tel að hvað þetta varðar hafi salan heppnast vel. Ég er enn þeirrar skoðunar að menn eigi að skoða rækilega í þinginu möguleika á að setja slíkar reglur og reyna að ná um þær sæmilegri sátt. Það hefur áður komið hér fram í þingsalnum. - Davíð Oddsson - Ræðubrotið er tekið héðan. [1]. Öll umræðan hér: [2]

Sjálfstætt hugtak??

Ég er ekki viss um að hugtakið dreift eignarhald standi sjálfstætt. Það sé svolítið eins og að skrifa um rauðan bíl eða hrollvekjandi bíómynd. Er þá ekki til lítið dreift eignarhald, meðal-dreift eignarhald eða.... dreift eignarhald? Á kannski að sameina við greinina um eignarétt ? --Jabbi 2. apríl 2009 kl. 15:07 (UTC)

Held þú sért að fara fram úr þér þarna eða réttara sagt mylja undir orðhengilsháttinn. Til eru sér færslur um hryllingsmyndir t.d. og sér færslur um green car t.d. (þ.e. green vehicle), en hryllingsmyndir ekki settar undir kvikmyndir almennt eða umhverfisvæn farartæki undir bíla (eða Sustainable transport) osfrv osfrv... - Hugtakið dreift eignarhald er það ákveðið og svo mikið um það rætt, að það á skilið sér færslu. Svona einsog hot rod fellur ekki undir hobby osfrv, red car fellur ekki undir tram osfrv osfrv. osfrv. --85.197.210.44 2. apríl 2009 kl. 16:19 (UTC)

Ég er ósámmála. Vissulega er til bíómyndaflokkurinn hrollvekjur en það er ekki það sem ég átti við. Ég átti við að hér er notað lýsingarorð (dreift-dreifðara-dreifðast) um ákveðinn hlut, eignarhald. Það sem meira er er verið að ræða þetta fyrst og fremst í samhengi við einkavæðingu (því jafnvel frekar að hafa þetta sem undirkafla við einkavæðingu). Um þessar mundir er einnig rætt um gagnsæa stjórnsýslu, og við getum fundið fleiri dæmi t.d. skattahækkun, en hún á tæpast rétt á sjálfstæðri umfjöllun eða hvað? --Jabbi 2. apríl 2009 kl. 17:35 (UTC)

Afhverju ekki? Ég skil ekki þennan nánasarhátt þinn þegar kemur að flettum? Og þó einhver fletta nefndist: Rautt ginseng eða grátt svæði - þá er ekki þar með sagt að til væri eitthvað sem héti rauðara ginseng eða grárra svæði. Svo ég ýki nú aðeins. --89.160.136.166 2. apríl 2009 kl. 22:42 (UTC)

Sameiningarárátta

Tilhvers í andskotanum á að sameina þessa grein Einkavæðingu bankanna? --88.149.99.14 29. júlí 2010 kl. 23:04 (UTC)

Ég skal útskýra mín sjónarmið sem koma andskotanum ekkert við. Skilgreining á hugtakinu sem er til umfjöllunar er eftirfarandi: „Dreift eignarhald (eða dreifð eignaraðild) er hugtak í viðskiptafræði og á (oftast) við það þegar ríkiseign er seld með skilyrðum um að enginn einn eða tveir aðilar eigi meirihluta í fyrirtækinu, heldur að eignarhald þess sé dreift á marga aðila.“ Ekki efast ég um að dreift eignarhald sé hugtak í viðskiptafræði en að það eigi „(oftast) við þegar ríkiseign er seld með skilyrðum að enginn einn eða tveir aðilar eigi meirihluta í fyrirtækinu, heldur að eignarhald þess sé dreift á marga aðila“ finnst mér ákaflega nákvæm skilgreining á fyrirbæri sem engar áreiðanlegar heimildir eru til um. Í aðefninu, þar sem skilgreiningin ætti væntanlega að koma fram, segir „Ríkisstjórnin á Íslandi einkavæddi ríkisbankanna árið 2002 með því að selja þá kjölfestufjárfestum“ og er umfjöllunin bundin við einkavæðingu bankanna. Undirkaflanum Eignarhald á bönkum á Norðurlöndum til grundvallar er fréttaskýring í Morgunblaðinu frá 1999 þar sem fjallað er um einkavæðingu bankanna með tilliti til umræðu um dreifðs eignarhalds vegna sölu á íslensku bönkunum. M.ö.o. öll umfjöllun hér er sértæk og lítur að einkavæðingu bankanna, engar heimildir um þetta fyrirbæri í almennum viðskipta- eða hagfræðibókum liggja fyrir (þó þær kunni að vera til). Þessi grein er því frumrannsókn, reynt er að yfirfæra niðurstöður um sértækan atburð (einkavæðingu bankanna á Íslandi) og búa til almenna reglu. Vel má vera að margt sé til í slíkru pælingu en Wikipedia er ekki rétt vettvangurinn fyrir hana. Þá má spyrja, afhverju í andskotanum ekki að sameina þessa grein Einkavæðingu bankanna? --Jabbi 30. júlí 2010 kl. 13:56 (UTC)