Bermúda

Bermuda
Fáni	Skjaldarmerki
Kjörorð: Quo Fata Ferunt (latína: Hvert sem örlagadísirnar bera okkur)
Þjóðsöngur: God Save the Queen
Höfuðborg	Hamilton
Opinbert tungumál	enska
Stjórnarfar	Þingbundin konungsstjórn
landstjóri forsætisráðherra	Sir John Vereker Alex Scott
Flatarmál  • Samtals  • Vatn (%)	*. sæti 58,8 km² ?
Mannfjöldi  • Samtals (2003)  • Þéttleiki byggðar	207. sæti 64.482 1.096/km²
VLF (KMJ)	áætl. 2005
• Samtals	* millj. dala (*. sæti)
• Á mann	* dalir (*. sæti)
Gjaldmiðill	bermúdadalur
Tímabelti	UTC-4
Þjóðarlén	.bm
Landsnúmer	+1-441

Bermúda (eða Bermúdaeyjar) er breskt yfirráðasvæði í Atlantshafi austan við strönd Bandaríkjanna, um 1.070 km austan við Hatterashöfða í Norður-Karólínu. Þær eru skattaparadís. Eyjarnar voru uppgötvaðar snemma á 16. öld, en voru fyrst byggðar þegar skipið Sea Venture strandaði þar árið 1609. Þessi atburður gæti hafa verið innblástur að leikritinu Ofviðrið eftir William Shakespeare.

Fyrsti Evrópubúinn sem sá eyjarnar var spænski skipstjórinn Juan de Bermúdez árið 1503 og draga eyjarnar nafn sitt af honum. Hann gerði tilkall til eyjanna, sem þá voru óbyggðar, fyrir hönd Spænska heimsveldisins. Bermúdez heimsótti eyjarnar tvisvar og gerði kort af eyjaklasanum en steig aldrei á land. Portúgalskir skipbrotsmenn eru taldir hafa skilið eftir sig áletrun á steini frá 1543 og evrópskir sjómenn slepptu þar lausum svínum til að nota sem vistir, en þau höfðu fjölgað sér mikið og voru orðin villt þegar landnám Evrópubúa hófst. Árið 1609 hóf Virginíufélagið landnám á eyjunum eftir að fellibylur hafði rekið skipverja skipsins Sea Venture til að stranda því á rifi við eyjarnar til að koma í veg fyrir að það sykki.

Stjórn eyjanna var í höndum nýlendustjórnar Virginíu til 1613. Tveimur árum síðar tók Somerseyjafélagið við og stjórnaði nýlendunni til 1684. Þá var leyfi félagsins afturkallað og enska krúnan tók við. Eyjarnar urðu bresk nýlenda eftir sambandslögin 1707. Þegar Nýfundnaland varð hluti af Kanada árið 1949 varð Bermúda elsta nýlenda Breta og eftir að Alþýðulýðveldið Kína tók við stjórn Hong Kong er hún líka fjölmennasta nýlenda Breta. Höfuðborgin, St. George's, var stofnuð árið 1612 og er elsta samfellda byggð Breta í Nýja heiminum.

Efnahagur Bermúda byggist á aflandsfjármálaþjónustu, tryggingum og ferðaþjónustu. Stærstan hluta 20. aldar var landsframleiðsla Bermúda með því hæsta sem gerðist í heiminum en alþjóðlega fjármálakreppan 2007-8 olli niðursveiflu. Loftslag á Bermúda er heittemprað. Bermúda er við norðurhorn Bermúdaþríhyrningsins. Eyjarnar eru í Fellibyljabeltinu en njóta nokkurs skjóls af kóralrifi sem umkringir þær.

  Þessi landafræðigrein er stubbur. Þú getur hjálpað til með því að bæta við greinina.