„Forsetakosningar á Íslandi 2016“: Munur á milli breytinga

Úr Wikipediu, frjálsa alfræðiritinu
Fletta í gegnum breytingarskrá
← Eldri breytingNýrri breyting →
Efni eytt Efni bætt við
MyndræntWiki-texti
Appendices (spjall | framlög)
39 breytingar
Lína 35: Lína 35:
* [[Baldur Ágústsson]]
* [[Baldur Ágústsson]]
* [[Benedikt Kristján Mewes]]
* [[Benedikt Kristján Mewes]]
* [[Davíð Oddsson]]
* [[Elísabet Jökulsdóttir|Elísabet Kristín Jökulsdóttir]]
* [[Elísabet Jökulsdóttir|Elísabet Kristín Jökulsdóttir]]
* [[Guðni Th. Jóhannesson]]
* [[Guðni Th. Jóhannesson]]

Útgáfa síðunnar 8. maí 2016 kl. 11:04

Hnöttur-klukka
Þessi grein fjallar um atburði sem eiga sér stað núna.
Innihald greinarinnar gæti af þessum sökum breyst þegar fram líða stundir.

Forsetakosningar á Íslandi munu næst fara fram laugardaginn 25. júní 2016. Þá verður forseti lýðveldisins kjörinn og mun hann taka við embætti þann 1. ágúst.[1] Sitjandi forseti, Ólafur Ragnar Grímsson, tilkynnti í nýársávarpi sínu 1. janúar 2016 að hann yrði ekki í framboði í kosningunum og stefndi því í fimmtu forsetakosningarnar frá lýðveldisstofnun þar sem sitjandi forseti er ekki í framboði.[2]

18. apríl 2016 tilkynnti Ólafur Ragnar hins vegar á blaðamannafundi á Bessastöðum að hann hefði breytt þeirri ákvörðun sinni og yrði í framboði í sjötta skiptið. Vísaði hann sérstaklega til óvissuástands í íslenskum stjórnmálum í kjölfar afsagnar forsætisráðherra.[3]

Frambjóðendur

Skorað hefur verið á fjölda fólks að bjóða sig fram, eða það orðað við embættið á einhvern hátt.[4]

Þróun í janúar

Jón Gnarr var lengi orðaður við forsetaframboð, hins vegar gaf hann það út 15. janúar 2016 að hann hyggðist ekki gefa kost á sér. [5] Katrín Jakobsdóttir íhugaði framboð en hún hefur hlotið stuðning í könnunum. [6] Hún ákvað að bjóða sig ekki fram.

Þann 5. janúar 2016 höfðu sex manns tilkynnt um framboð sitt, þau Ari Jósepsson[7], Ástþór Magnússon[7], Elísabet Jökulsdóttir[7], Hildur Þórðardóttir[7], Sturla Jónsson[4][8] og Þorgrímur Þráinsson.[7]

Árni Björn Guðjóns­son, fyrr­ver­andi odd­viti Kristi­lega lýðræðis­flokks­ins, tilkynnti um framboð 3. janúar en dró það til baka sólarhring seinna.[9][10]

Þróun í mars

Í mars 2016 tilkynntu Bæring Ólafsson, fyrrum framkvæmdastjóri Coca Cola samsteypunnar[11], Halla Tómasdóttir, fjárfestir[12], Heimir Örn Hólmarsson, rafmagnstæknifræðingur[13], Vig­fús Bjarni Al­berts­son, sjúkra­húsprest­ur [14], Hrannar Pétursson[15], og Guðmundur Franklín Jónsson, viðskiptafræðingur og fyrrverandi formaður Hægri grænna[16], framboð sitt. Hann dró það síðar til baka.

Þróun í apríl

Í byrjun apríl skrifaði Þorgrímur Þráinsson grein þess efnis í Morgunblaðið að hann væri hættur við framboð. [17] Þá tilkynntu tilkynntu Benedikt Kristján Mewes, mjólkurfræðingur[18], Andri Snær Magnason, rithöfundur[19] og Magnús Ingi Magnússon, veitingamaður[20], um framboð sín um miðjan apríl.

Þann 18. apríl boðaði Ólafur Ragnar, sitjandi forseti að hann hyggðist gefa kost á sér á nýjan leik í embættið. Í kjölfar þeirrar ákvörðunar drógu Vigfús Bjarni og Heimir Örn sín framboð til baka, dagana 19. og 20 apríl. [21][22]. Bæring Ólafsson dró framboð sitt til baka 25. apríl[23] og Hrannar Pétursson tveimur dögum síðar.[24]

Ólafur Ragnar kom fram í viðtali við CNN sjónvarpsstöðina í lok apríl þar sem hann svaraði afdráttarlaust „Nei, nei, nei, nei, nei. Það verður ekki raunin,“ þegar hann var spurður hvort hann eða Dorrit ættu einhverja aflandsreikninga eða hvort eitthvað ætti eftir að finnast í Panama-skjölunum um hann eða hans fjölskyldu. Greint var frá því í fréttamiðlum að fyrirtæki fjölskyldu Dorritar í Bretlandi, Moussaieff Jewellers, hefði tengst Tortóla-félaginu Lasca Finance.[25]

Þróun í maí

Baldur Ágústsson ákvað að bjóða sig sig fram 2. maí en hann bauð sig fram árið 2004. Sama dag greindi Guðrún Nordal frá því að hún gefi ekki kost á sér. [26]

Guðni Th. Jóhannesson, sagnfræðingur, boðaði til fundar þann 5. maí þar sem hann lýsti því yfir að hann ætlaði að bjóða sig fram. [27]

Í þættinum Sprengisandi á Bylgjunni lýsti Davíð Oddsson, ritstjóri og fyrrverandi forsætisráðherra, því yfir að hann hyggðist gefa kost á sér.[28]

Listi yfir frambjóðendur

Eftirfarandi aðilar hafa tilkynnt um framboð:

Þá höfðu eftirfarandi tilkynnt um framboð en hafa síðan dregið það til baka:

Tilvísanir

  1. ↑ „145. löggjafarþing. Greinargerð við þingskjal 182.“. [skoðað 03-01-2016].
  2. ↑ „Kjósendur óvanir að kjósa nýjan forseta“. 02-01-2016, [skoðað 02-01-2016].
  3. ↑ Ólafur Ragnar býður sig fram aftur Rúv. Skoðað 18. apríl, 2016
  4. ↑ 4,0 4,1 „Hvern vilt þú sjá sem næsta forseta Íslands?“. Vísir [á vefnum]. [skoðað 03-01-2016].
  5. ↑ Jón Gnarr fer ekki fram Mbl.is skoðað 20. mars, 2016
  6. ↑ Katrín veltir fyrir sér forsetaframboði Rúv. Skoðað 6. mars, 2016
  7. ↑ 7,0 7,1 7,2 7,3 7,4 „Fjöldi meðmælenda sem forsetæfni þurfa að skila inn ekki breyst í 64 ár“. mbl.is [á vefnum]. [skoðað 05-01-2016].
  8. ↑ „Sturla vinsæll frambjóðandi“. Útvarp Saga [á vefnum]. [skoðað 05-01-2016].
  9. ↑ „Boðar framboð til forseta“. Ríkisútvarpið, 3. janúar 2016. (Skoðað 3. janúar 2016)
  10. ↑ „Dregur framboðið til baka“. mbl.is [á vefnum]. [skoðað 05-01-2016].
  11. ↑ „Bæring býður sig á Bessastaði“. mbl.is [á vefnum]. [skoðað 18-03-2016].
  12. ↑ „Halla ætlar að bjóða sig fram“. mbl.is [á vefnum]. [skoðað 17-03-2016].
  13. ↑ Heimir Örn tilkynnir framboð til forseta Rúv. Skoðað 6. mars, 2016
  14. ↑ Vigfús Bjarni býður sig fram til forseta Rúv. Skoðað 6. mars, 2016
  15. ↑ Hrannar Pétursson kynnir forsetaframboð Vísir [á vefnum]. Skoðað 20. mars, 2016
  16. ↑ Guðmundur Franklín gefur kost á sér Vísir [á vefnum]. Skoðað 20. mars, 2016
  17. ↑ „Þorgrímur hættur við framboð“. mbl.is [á vefnum]. [skoðað 11-04-2016].
  18. ↑ „Vill verða fyrsti samkynhneigði forsetinn“. Vísir.is [á vefnum]. [skoðað 11-04-2016].
  19. ↑ „Andri Snær staðfestir framboð“. mbl.is. [skoðað 11-04-2016].
  20. ↑ Magnús býður sig fram Rúv. skoðað 18. apríl, 2016.
  21. ↑ Vigfús Bjarni hættur við—segir alið á ótta Rúv. skoðað 19. apríl, 2016.
  22. ↑ Heimir hættur við framboð Rúv. Skoðað 20. apríl, 2016.
  23. ↑ Bæring hættur við forsetaframboð Rúv. Skoðað 25. apríl, 2016.
  24. ↑ „Dregur framboðið til baka“. Mbl.is [á vefnum]. [skoðað 27-04-2015].
  25. ↑ Svaraði ekki frekar um tengsl við aflandsfélag Rúv, skoðað 4. maí, 2016.
  26. ↑ Baldur býður sig aftur fram Rúv. Skoðað 4. maí, 2016.
  27. ↑ Guðni lýsir yfir framboði. Rúv. skoðað 5. maí, 2016
  28. ↑ „Davíð Oddson vill verða forseti Íslands“. Kjarninn [á vefnum]. [skoðað 08-05-2016].
Sótt frá „https://is.wikipedia.org/w/index.php?title=Forsetakosningar_á_Íslandi_2016&oldid=1532906“