Android

Android 4.4 KitKat home screen

Samsung Galaxy Note

Android er stýrikerfi fyrir snjallsíma, töflutölvur og skyld tæki sem byggir á opnum hugbúnaði og er byggt upp á breyttri útgáfu Linux kjarnans. Það samanstendur af stýrikerfinu sjálfu, miðbúnaði og helstu forritum. Google Inc. keypti Android Inc., fyrirtækið sem upphaflega vann að þróun Android stýrikerfisins árið 2005.

Greiningarfyrirtækið Canalys, greindi frá því árið 2010 að Android stýrikerfið væri söluhæsta stýrikerfi fyrir snjallsíma og tók þar fram úr Symbian stýrikerfi Nokia farsímarisans sem hafði verið það söluhæsta í tíu ár. Árið 2014, seldust 1000 milljón tæki með Android, meira en nokkur önnur stýrikerfi hafa nokkurn tíman selst. Við það varð Android vinsælasta stýrikerfi í heimi, uppsafnað, líka vinsælla en Windows sem er þó enn ráðandi á afmörkuðum hluta markaðarins, þ.e. á hefðbundum einkatölvum sem það hefur aðallega verið notað á.

Android hefur utan um sig samfélag margra forritara sem hanna forrit fyrir stýrikerfið og auka þar með virkni þess. Nú eru til um ,milljón forrit fyrir Android. Google Play er vefverslun með forrit sem rekin er af Google en einnig er hægt að hlaða niður forritum og viðbótum fyrir Android frá öðrum aðilum. Aðallega er forritað fyrir Android stýrikerfið í forritunarmálinu Java (sem fyrst krafðist þess), en mörg önnur forritunarmál er hægt að nota og C er t.d. nú stutt af Google sérstaklega með Java eða öðrum (eða eingöngu, þó ekki ráðlagt af Google).

Android var kynnt þann 5. nóvember 2007, samhliða stofnun Open Handset Alliance samtakanna. Það eru samtök 80 vélbúnaðarframleiðanda, hugbúnaðarframleiðanda og fjarskiptafyrirtækja sem styðja við þróun opinna staðla fyrir farsíma og skyld tæki. Google gaf Android út undir Apache-leyfinu, sem er leyfi fyrir frjálsan og opin hugbúnað (GPL leyfi]d er líka frjálst, og er notað fyrir Linux kjarna, hluta Android).

Notkun og útbreiðsla á Android útgáfum

Eftirfarandi tafla sýnir hlutfallslegan fjölda tækja sem tengst hafa, netbúð Google (sem sér um uppfærslur), Play Store, nýlega og keyra ákveðna gerð Android stýrikerfis miðað við 2. nóvember 2015.

Stýrikerfi	Nafn stýrikerfis	útgáfudagur	API útgáfunúmer
6.0	Marshmallow	5. október 2105	23
5.1.x	Lollipop	9. mars 2015	22
5.0–5.0.2		3. nóvember 2014	21
4.4	KitKat	31. október 2013	19
4.3	Jelly Bean	24. júlí 2013	18
4.2.x		13. nóvember 2012	17
4.1.x		9. júlí 2012	16
4.0.3–4.0.4	Ice Cream Sandwich	16. desember 2011	15
2.3.3–2.3.7	Gingerbread	9. febrúar 2011	10
2.2	Froyo	20. maí 2010	8

Tilvísanir

<references>>

Tenglar

• Vefsíða Android
• Android Market
• Vefsíða Open Handset Alliance
• Google Play

  Þessi hugbúnaðargrein er stubbur. Þú getur hjálpað til með því að bæta við greinina.