Argon

	Neon
Klór	Argon
	Krypton
Efnatákn Ar Sætistala 18 Efnaflokkur Eðalgastegund Eðlismassi (við 273 K) 1,784 kg/m³ Harka Óviðeigandi Atómmassi 39,948 g/mól Bræðslumark 83,8 K Suðumark 87,3 K Efnisástand (við staðalaðstæður) Gas Lotukerfið

Argon er frumefni með efnatáknið Ar og er númer átján í lotukerfinu. Í andrúmsloftinu er um það bil 1% argon.

Almenn einkenni

Argon er 2.5 sinnum uppleysanlegra í vatni heldur en nitur sem að hefur um það bil sömu leysni og súrefni. Þetta mjög svo stöðuga efni er lit- og lyktarlaust í bæði vökva- og gasformi. Engin þekkt sönn efnasambönd argons eru þekkt, sem er ein af ástæðum þess að það var áður kallað óvirkt gas. Vísindamenn við Háskólann í Helsinki lýstu myndun argon flúrsýru (HArF), sem er mjög óstöðugt efna samband vetnis, flúors og argons, árið 2000, en það hefur ekki verið staðfest af öðrum.

Þó að engin efnasambönd af argon séu enn staðfest, getur argon myndað holefni í vatni þegar argonatóm festast í grind af vatnssameindum. Útreikningar á tölvum hafa sýnt fram á nokkur argonsambönd sem ættu að vera stöðug en hafa enga þekkta leið til efnasmíði sem stendur.

Notkun

Það er notað í lýsingu því að það hvarfast ekki við glóðarþræði í ljósaperum jafnvel við mjög há hitastig og einnig í öðrum tilfellum þar sem að tvíatóma nitur er óhentugt óvirkt gas. Geta má um önnur not, svo sem:

• Argon er notað sem óvirkur gasskjöldur í mögum tegundum rafsuðu.
• Sem óhvarfgjarnt hlífðarefni í framleiðslu á títani og öðrum hvarfgjörnum frumefnum.
• Sem verndandi lofthjúpur við ræktun kísil- og german kristalla.
• Argon-39 hefur margvíslega notkun, þá aðallega í rannsóknum á ískjörnum. Það hefur einnig verið notað í aldursgreiningu á grunnvatni.
• Frystiskurðlækningaaðgerðir eins og til dæmis frystiafnám, nota argon í vökvaformi til að eyða krabbameinsfrumum.

  Þessi efnafræðigrein er stubbur. Þú getur hjálpað til með því að bæta við greinina.