Gráðostur

Bleu de Gex, franskur gráðostur

Gráðostur eða gráðaostur er almennt heiti yfir osta úr kúamjólk, kindamjólk eða geitamjólk þar sem myglunni Penicillium hefur verið bætt við. Loka afurðin er doppótt eða með æðum með blárri, blá-grárri eða blá-grænni myglu og hefur sérstæða lykt, ýmist frá henni eða margvíslegum sérstaklega ræktuðum bakteríum. Í suma gráðosta er gróum bætt við áður en ystingurinn myndast á meðan í öðrum er gróum bætt við ystinginn eftir að hann myndast. Hægt er að borða gráðosta eina og sér, smurða, brotna eða bráðnaða í eða yfir mat.

Í evrópusambandinu eru margir gráðostar eins og Roquefort, Danablu, Gorgonzola og Stilton með upprunavottorð, sem þýðir að þeir mega eingöngu bera nafnið ef þeir hafa verið framleiddir í ákveðnu svæði í ákveðnu landi. Á sama hátt, hafa sum lönd verndanir eins og í Frakklandi og Ítalíu. Gráðostar með ekkert verndað upprunavottorð eru einfandlega kallaðir "gráðostar".

Gráðostar hafa oft sterkt og saltað bragð. Lyktin orsakast af myglunni og þeim bakteríum sem vaxa í ostinum: til dæmis er bakterían Brevibacterium linens ábyrg fyrir lyktinni á mörgum gráðostum.

Heimildir

• Fyrirmynd greinarinnar var „Blue cheese“ á ensku útgáfu Wikipedia. Sótt 20. desember 2014.