Tjarnastör

Tjarnastör
Vísindaleg flokkun
Ríki: Jurtaríki (Plantae) (óraðað): Dulfrævingar (Angiospermae) (óraðað) Einkímblöðungar (Monocotyledon) Ættbálkur: Grasbálkur (Poales) Ætt: Stararætt (Cyperaceae) Ættkvísl: Starir (Carex) Tegund: C. rostrata
Tvínefni
Carex rostrata Stokes, 1787

Tjarnastör, ljósastör, ljósalykkja eða mjólkurstör (fræðiheiti: Carex rostrata) er stör sem vex víða í Kanada, norðurhluta [[Bandaríkin|Bandaríkjanna og á Íslandi. Hún er stórvaxnasta störin sem vex á Íslandi. Strá hennar er gilt og mjúkt. Blöðin eru blágræn. Karlöx tjarnarstararinnar eru tvö eða fleiri, með 2-3 leggi og lotin kvenöx. Axhlífarnar eru móleitar að lit og hulstrin útsperrt og útblásin. Þau ganga fram í langa, tvítennta trjónu. Tjarnastörin vex í tjörnum, síkjum og mýrum. Hún er algengt um allt Ísland.

Á Íslandi var tjarnastörin slegin til fóðurs og var talin ágætt fóður fyrir mjólkurkýr, enda er hún einnig nefnd mjólkurstör. Mergur tjarnastarar er ætur, en hann sést vel ef stráið er slitið af við rót. Blöðin eru mjúk og sveifjanleg og voru því oft notuð í undirsængur, sessur eða sem skóleppar.