Wikipedia:Verndun

Möppudýr geta takmarkað breytingar á síðum með því að vernda þær. Það er undantekning frá meginreglunni um að allir geti breytt síðum og skal því aðeins beitt þegar tilefni er til. Til dæmis ef ákveðin síða er stöðugt skotmark skemmdarvarga eða síðan er mjög sýnileg eins og t.d. forsíðan þar sem skemmdarverk hefðu mjög slæm áhrif. Verndunarstigin eru tvö. Í fyrsta lagi er hægt að læsa síðu fyrir breytingum óskráðra og nýskráðra notenda. Í öðru lagi er hægt að læsa síðu fyrir öllum nema möppudýrum.