2. maí

2. maí er 122. dagur ársins (123. á hlaupári) samkvæmt gregoríska tímatalinu. 243 dagar eru eftir af árinu.

Atburðir

• 1615 - Þrettán skip fórust og áttatíu menn drukknuðu í aftakaveðri á Breiðafirði.
• 1803 - Bandaríkjamenn keyptu Louisiana af Frökkum.

• 1822 - Skipbrotsmenn af tveimur erlendum skipum komust til lands, á Vopnafirði, sextán manns, og við Glettinganes, sex manns. Bæði skipin höfðu farist í hafís.
• 1829 - Bretar stofnuðu fanganýlenduna við Svansá sem var upphafið að því sem varð nýlendan og síðar fylkið Vestur-Ástralía.
• 1897 - St. Paul, franskt spítalaskip, strandaði við Klöpp í Reykjavík. Skipið náðist út.

• 1919 - Tuttugu ljósmæður stofnuðu Ljósmæðrafélag Íslands, fyrsta stéttarfélag faglærðra kvenna á Íslandi.

• 1945 - Seinni heimsstyrjöldin: Sovétmenn lýstu því yfir að Berlín væri fallin í hendur þeirra.

• 1957 - Tvær nýjar millilandaflugvélar, Hrímfaxi og Gullfaxi, komu til landsins.
• 1968 - Maíuppþotin í París hófust með því að stjórn Parísarháskóla í Nanterre ákvað að loka skólanum vegna árekstra við stúdenta.
• 1970 - Búrfellsvirkjun var vígð og formlega tekin í notkun.

• 1982 - Falklandseyjastríðið: Breski kjarnorkuknúni kafbáturinn HMS Conqueror sökkti argentíska varðskipinu ARA General Belgrano. Alls létu 323 lífið en 770 var bjargað.

• 1992 - Jón Baldvin Hannibalsson, utanríkisráðherra, undirritaði samninginn um Evrópska efnahagssvæðið. Samningurinn er um tuttugu þúsund blaðsíður.

• 1997 - Tony Blair tók við embætti forsætisráðherra Bretlands eftir 18 ára stjórnartíð Breska íhaldsflokksins.

Fædd

• 1579 - Tokugawa Hidetada, japanskur herstjóri (d. 1632).
• 1601 - Athanasius Kircher, þýskur fræðimaður (d. 1680).
• 1729 - Katrín mikla, keisaraynja Rússlands (d. 1796)
• 1860 - Theodor Herzl, austurrískur blaðamaður (d. 1904)
• 1881 - Alexander Kerensky, sovéskur stjórnmálamaður (d. 1970)
• 1903 - Bing Crosby, bandarískur söngvari og leikari (d. 1977)
• 1955 - Donatella Versace, ítalskur fatahönnuður.
• 1974 - Garðar Thór Cortes, íslenskur söngvari.
• 1975 - David Beckham, enskur knattspyrnumaður.

Dáin

• 1519 - Leonardo Da Vinci, ítalskur málari og uppfinningamaður (f. 1452).
• 1679 - Jón Ólafsson Indíafari.
• 1957 - Joseph McCarthy, bandarískur stjórnmálamaður (f. 1908).
• 1972 - J. Edgar Hoover, yfirmaður bandarískur alríkislögreglunnar (f. 1895).
• 2011 - Osama bin Laden, sádí-arabískur hryðjuverkaforingi (f. 1957).