6. maí

6. maí er 126. dagur ársins (127. á hlaupári) samkvæmt gregoríska tímatalinu. 239 dagar eru eftir af árinu.

Atburðir

• 1527 - Hermenn Karls 5. keisara réðust inn í Rómaborg, rændu þar og rupluðu og felldu flesta lífverði Klemens 7. páfa við tröppur Péturskirkjunnar.
• 1682 - Loðvík 14. flutti með frönsku hirðina til Versala frá Tuileries.
• 1869 - Purdue-háskóli í West Lafayette var stofnaður í Bandaríkjunum.
• 1882 - Á Vestfjörðum rofaði til eftir stórhríð sem staðið hafði óslitið í 27 daga. Hálfum mánuði síðar skall hríðin á aftur og stóð sleitulaust fram í miðjan júní.
• 1910 - Georg 5. tók við konungstign í Bretlandi eftir lát föður síns, Játvarðs 7..

• 1912 - Jarðskjálfti, sem talið er að hafi verið um sjö stig á Richter, kom upp í grennd við Heklu. Allmargir bæir hrundu.
• 1937 - Eldur kom upp í þýska loftskipinu Hindenburg, sem ásamt Graf Zeppelin II, voru stærstu loftskip sem búin hafa verið til.
• 1981 - Framhaldsþátturinn Dallas hóf göngu sína í Sjónvarpinu.

• 1986 - Hornsteinn var lagður að húsi Seðlabankans við hátíðlega athöfn á 25 ára afmæli bankans.
• 1994 - Mannréttindasáttmáli Evrópu var lögtekinn á Íslandi.
• 1997 - Englandsbanki var gerður að sjálfstæðri og óháðri stofnun.
• 2002 - Hollenski stjórnmálamaðurinn Pim Fortuyn var ráðinn af dögum af dýraréttindaaktivista.
• 2005 - Blaðið kom fyrst út á Íslandi.
• 2007 - Nicolas Sarkozy var kosinn forseti Frakklands.

• 2010 - Hreiðar Már Sigurðsson og Magnús Guðmundsson, fyrrverandi háttsettir starfsmenn KB banka, voru handteknir eftir skýrslutöku hjá sérstökum saksóknara.
• 2010 - Í þingkosningum í Bretlandi náði enginn einn stjórnmálaflokkur hreinum meirihluta í fyrsta skiptið í 36 ár.
• 2010 - Dow Jones-vísitalan hrapaði um nærri þúsund punkta, og hafði ekki áður fallið jafn mikið á einum degi.

Fædd

• 1405 - Skanderbeg eða Georg Kastrioti, þjóðhetja Albana (d. 1468).
• 1501 - Marcellus 2. páfi (d. 1555).
• 1562 - Pietro Bernini, ítalskur myndhöggvari (d. 1629).
• 1574 - Innósentíus 10. páfi (d. 1655).
• 1606 - Lorenzo Lippi, ítalskt skáld og listmálari (d. 1665).
• 1758 - Maximilien Robespierre, franskur byltingarforingi (d. 1794).
• 1856 - Sigmund Freud, austurrískur sálfræðingur (d. 1939).
• 1856 - Robert Peary, bandarískur landkönnuður (d. 1920).
• 1866 - Jóannes Patursson, færeyskur rithöfundur (d. 1946).
• 1878 - Björn Friðriksson, íslenskur kvæðamaður (d. 1946).
• 1897 - Dunganon (Karl Kjerúlf Einarsson) íslenskur listamaður (d. 1972).
• 1904 - Harry Martinson, sænskur rithöfundur og Nóbelsverðlaunahafi (d. 1978).
• 1915 - Orson Welles, bandarískur kvikmyndaleikstjóri og leikari (d. 1985).
• 1947 - Martha Nussbaum, bandarískur heimspekingur.
• 1947 - Alan Dale, nýsjálenskur leikari.
• 1953 - Tony Blair, fyrrverandi forsætisráðherra Bretlands.
• 1961 - George Clooney, bandarískur leikari.
• 1983 - Raquel Zimmermann, brasilísk fyrirsæta.
• 1983 - Adrianne Palicki, bandarísk leikkona.

Dáin

• 1638 - Cornelius Jansen, franskur faðir Jansenismans (f. 1585).
• 1692 - Nathaniel Lee, enskt leikskáld (f. um 1653).
• 1859 - Alexander von Humboldt, þýskur náttúrufræðingur og könnuður (f. 1769).
• 1872 - George Robert Gray, enskur dýrafræðingur og rithöfundur (f. 1808).
• 1862 - Henry David Thoreau, bandarískur rithöfundur og heimspekingur (f. 1817).
• 1877 - Johan Ludvig Runeberg, finnskt skáld (f. 1804).
• 1910 - Játvarður 7. Bretlandskonungur (f. 1841).
• 1957 - Reginald Hackforth, enskur fornfræðingur (f. 1887).
• 1992 - Marlene Dietrich, þýsk söngkona (f. 1901).
• 2002 - Pim Fortuyn, hollenskur stjórnmálamaður (f. 1948).