Norðausturkjördæmi

Snið:Landsbyggðarkjördæmi Norðausturkjördæmi er eitt af kjördæmum Íslands. Það hefur 10 sæti á Alþingi, þar af 1 jöfnunarsæti. Kjördæmið var sameinað úr kjördæmunum Norðurlandi eystra og Austurlandi með þeim undantekningum að Siglufjörður sem áður tilheyrði Norðurlandi vestra er í Norðausturkjördæmi en Hornafjörður sem áður var í Austurlandskjördæmi tilheyrir nú Suðurkjördæmi. Kjördæmið var búið til með nýrri kjördæmaskipan árið 2000. Fyrst var kosið samkvæmt nýrri kjördæmaskipan í Alþingiskosningum 2003.

Í báðum þingkosningunum sem fram hafa farið eftir að nýja kjördæmaskipunin var tekin upp hafa úrslitin í Norðausturkjördæmi einkennst af meiri jöfnuði á milli flokka en tíðkast í öðrum kjördæmum, það er sterkasta vígi bæði Framsóknarflokksins og Vinstrihreyfingarinnar - græns framboðs á meðan bæði Sjálfstæðisflokkurinn og Samfylkingin hafa verið veikari þar en á landsvísu. Frjálslyndi flokkurinn hefur aldrei átt þingmann í kjördæminu né í forverum þess.

Kjördæmið hefur sem áður segir verið talið eitt höfuðvígi Framsóknarflokksins sem hefur nær alltaf átt fyrsta þingmann kjördæmisins (og þar áður á Norðurlandi eystra og Austurlandi) og ef ekki þann fyrsta þá annan og stundum báða. Vinstri græn hafa frá stofnun flokksins 1999 einnig fengið mest fylgi í Norðausturkjördæmi (og þar áður á Norðurlandi eystra) en það er heimakjördæmi formanns flokksins, Steingríms J. Sigfússonar.

Sveitarfélög

Í Norðausturkjördæmi eru sveitarfélögin: Fjallabyggð, Grímseyjarhreppur, Dalvíkurbyggð, Hörgársveit, Akureyrarkaupstaður, Eyjafjarðarsveit, Svalbarðsstrandarhreppur, Grýtubakkahreppur, Þingeyjarsveit, Skútustaðahreppur, Norðurþing, Tjörneshreppur, Svalbarðshreppur, Langanesbyggð, Vopnafjarðarhreppur, Fljótsdalshérað, Fljótsdalshreppur, Borgarfjarðarhreppur, Seyðisfjarðarkaupstaður, Fjarðabyggð, Breiðdalshreppur og Djúpavogshreppur.

Skipting þingsæta og þingmenn

Þing	1. þingm.	Fl.	2. þingm.	Fl.	3. þingm.	Fl.	4. þingm.	Fl.	5. þingm.	Fl.	6. þingm.	Fl.	7. þingm.	Fl.	8. þingm.	Fl.	9. þingm.	Fl.	10. þingm.	Fl.
129.	Valgerður Sverrisdóttir	B	Halldór Blöndal	D	Kristján L. Möller	S	Jón Kristjánsson	B	Steingrímur J. Sigfússon	V	Tómas Ingi Olrich*	D	Einar Már Sigurðarson	S	Dagný Jónsdóttir	B	Birkir Jón Jónsson	B	Þuríður Backman	V
130.
131.											Arnbjörg Sveinsdóttir*
132.
133.
134.	Kristján Þór Júlíusson	D	Valgerður Sverrisdóttir	B			Steingrímur J. Sigfússon	V	Arnbjörg Sveinsdóttir	D	Birkir Jón Jónsson	B			Þuríður Backman	V	Ólöf Nordal	D	Höskuldur Þór Þórhallsson	B
135.
136.
137.	Steingrímur J. Sigfússon	V	Birkir Jón Jónsson				Kristján Þór Júlíusson	D	Þuríður Backman	V	Höskuldur Þór Þórhallsson		Sigmundur Ernir Rúnarsson		Björn Valur Gíslason		Tryggvi Þór Herbertsson		Jónína Rós Guðmundsdóttir	S
138.
139.
140.
141.
142.	Sigmundur Davíð Gunnlaugsson	B	Kristján Þór Júlíusson	D	Höskuldur Þór Þórhallsson	B	Steingrímur J. Sigfússon	V	Líneik Anna Sævarsdóttir	B	Valgerður Gunnarsdóttir	D	Kristján L. Möller		Þórunn Egilsdóttir	B	Bjarkey Gunnarsdóttir	V	Brynhildur Pétursdóttir	A

(*) Á 130. löggjafarþingi lét Tómas Ingi Olrich af þingmennsku. Arnbjörg Sveinsdóttir tók sæti hans á Alþingi.

Tengill

• Lög um kosningar til Alþingis nr. 24 16. maí 2000