„Kjölur (fjallvegur)“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Pietro (spjall | framlög)
Ekkert breytingarágrip
Ekkert breytingarágrip
Lína 19: Lína 19:
[[Flokkur:Íslenskir fjallvegir]]
[[Flokkur:Íslenskir fjallvegir]]
[[Flokkur:Vegir á Íslandi]]
[[Flokkur:Vegir á Íslandi]]

[[de:Kjalvegur]]
[[en:Route F35 (Iceland)]]
[[fr:Route F35 (Islande)]]
[[it:Kjalvegur]]
[[nl:Kjölur]]
[[pl:Droga F35 (Islandia)]]

Útgáfa síðunnar 28. mars 2013 kl. 15:09

Kjalvegur merktur inn á Íslandskort
Hrútfell á Kili. Langjökull í baksýn.

Kjölur er landsvæði og fjallvegur (Kjalvegur) á hálendi Íslands, austan Langjökuls en vestan vo' Hofsjökul. Norðurmörk Kjalar eru yfirleitt talin vera við Svörtukvísl og Seyðisá en að sunnan afmarkar Hvítá Kjöl. Kjölur er nú afréttarland Biskupstungna en tilheyrði áður bænum Auðkúlu í Húnaþingi.

Kjölur er í 600-700 metra hæð yfir sjávarmáli og að miklu leyti berar melöldur, sandar og hraun á milli lágreistra fella. Hærri fjöll eru þar einnig svo sem Hrútfell (1410 m) og Kjalfell (1000 m). Þar eru líka gróin svæði, einkum í Hvítárnesi og í Þjófadölum. Áður var Kjölur mun meira gróinn. Norðan til á Kili er jarðhitasvæðið Hveravellir, sem er vinsæll áningarstaður ferðamanna.

Nyrst á Kili er Dúfunefsfell, 730 m hátt, og sunnan við það eru sléttir melhjallar sem talið er að geti verið Dúfunefsskeið, sem nefnt er í landnámu, í frásögninni af Þóri dúfunef landnámsmanni á Flugumýri og hryssunni Flugu.

Kjalvegur hefur verið þekktur frá upphafi Íslandsbyggðar og eru frásagnir í Landnámu af landkönnun skagfirskra landnámsmanna en það var Rönguður, þræll Eiríks í Goðdölum, sem fann Kjalveg. Vegurinn var fjölfarinn fyrr á tíð og raunar helsta samgönguleiðin milli Norður- og Suðurlands. Í Sturlungu eru til dæmis margar frásagnir af ferðum yfir Kjöl, oft með heila herflokka.

Seint á 18. öld létu Reynistaðarbræður og förunautar þeirra lífið við Beinahól á Kili og er sagt að enn sé reimt þar í kring. Eftir það fækkaði ferðum um Kjöl en þær lögðust þó aldrei alveg af.

Kjalvegur er um 165 km frá Eiðsstöðum í Blöndudal suður að Gullfossi og er fólksbílafær á sumrin. Á síðustu árum hefur mikið verið rætt um að leggja heilsársveg um Kjöl. Gamli Kjalvegurinn liggur nokkuð vestan við bílveginn og er enn notaður sem göngu- og reiðvegur.

Tengt efni