„Bernd Koberling“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Cessator (spjall | framlög)
Ekkert breytingarágrip
Addbot (spjall | framlög)
m Bot: Flyt 1 tungumálatengla, sem eru núna sóttir frá Wikidata á d:q125220
Lína 46: Lína 46:
[[Flokkur:Loðmundarfjörður|Koberling, Bernd]]
[[Flokkur:Loðmundarfjörður|Koberling, Bernd]]
{{fe|1938|Koberling, Bernd}}
{{fe|1938|Koberling, Bernd}}

[[de:Bernd Koberling]]

Útgáfa síðunnar 8. mars 2013 kl. 23:05

Bernd Koberling (f. 1938 í Berlín) er þýskur listmálari, einn af „nýju villingunum“ (Neuen Wilden), sem Þjóðverjar kalla svo.

Hann starfaði fyrst sem kokkur 1955-1958, stundaði nám í Hochschule für Bildende Künste í Berlín 1958-1960. Námsdvöl á Englandi 1961-1963. Var styrkþegi Villa Massimo í Róm 1969-1970, og dvaldist síðan í Köln til 1974. Á árunum 1976-1981 var hann gestafyrirlesari í listaháskólum í Hamborg, Düsseldorf og Berlín. Hann var prófessor í Hochschule für bildende Künste í Hamborg 1981-1988, og frá 1988 í Hochschule der Künste í Berlín. Hefur flutt fyrirlestra um vatnslitamálun í Listaháskóla Íslands. Árið 1961 varð hann félagi í Vision-hópnum, ásamt málaranum Karl Horst Hödicke.

Bernd Koberling býr og starfar í Berlín, en er yfirleitt á sumrin í Loðmundarfirði.

Árið 1959 hóf Bernd Koberling að ferðast um norðurslóðir á sumrin, fyrst um sænska hluta Lapplands og Norður-Noreg. Stundaði hann m.a. lax- og silungsveiðar, en náttúrufar og þjóðlíf þessara héraða veitti honum einnig innblástur í list sinni. Í Þýskalandi kynntist hann listamanninum Dieter Roth, sem giftur var íslenskri konu, og fór með honum til Íslands, m.a. til Loðmundarfjarðar. Hann heillaðist svo af staðnum, að hann hefur verið þar á hverju sumri frá 1977. Þar málar hann aðallega vatnslitamyndir. Í Berlín hefur hann málað stærri myndir í svipuðum stíl, á sérmeðhöndlaðar álplötur, með aðferð sem hann hefur sjálfur þróað.

Á síðustu árum hefur hann myndskreytt nokkrar bækur íslenskra skálda:

  • Snorri Hjartarson: Brunnin flýgur álft – Brennend fliegt ein Schwan, 1997 (Isländische Literatur der Moderne, 6), ljóð
  • Gyrðir Elíasson: Versteinerter Baum – Steintré, 1998 (á sextugsafmæli Bernds Koberlings), smásaga
  • Baldur Óskarsson: Tímaland – Zeitland, 2000 (Isländische Literatur der Moderne, 7), ljóð
  • Wortlaut Island: isländische Gegenwartsliteratur, 2000. Ritstjóri: Franz Gíslason
  • Gyrðir Elíasson: Tregahornið – Das Blueshorn, 2001 (Isländische Literatur der Moderne, 8), smásögur
  • Gyrðir Elíasson: Ísbörnin – Die Eiskinder, 2003, saga
  • Sjón: Söngur steinasafnarans – Gesang des Steinesammlers, 2006 (Isländische Literatur der Moderne, 9), ljóð

Bernd Koberling hefur haldið fjölda einkasýninga, m.a. hér á landi.

  • Listasafn Reykjavíkur, Hafnarhúsinu, 2002 (Yfirlitssýning, áður í Malmö Konsthall 2001, síðar í Saarland Museum, Saarbrücken, 2002)
  • Gallerí i8, Klapparstíg, 2003 (vatnslitamyndir)
  • Listasafn Reykjavíkur, Ásmundarsafni, 2005 (Steiniger Weg – Grýttur vegur, vatnslitamyndir)
  • Gallery Turpentine, Ingólfsstræti, 2007 (Volumen der Stille, akrýlmyndir á álplötum)

Einnig tekið þátt í fjölda samsýninga, m.a. í Skaftfelli, menningarmiðstöðinni á Seyðisfirði.

Verk hans eru meðal annars í eftirtöldum listasöfnum:

  • Hamburger Bahnhof, Berlín
  • Hamburger Kunsthalle
  • Vancouver Art Gallery

Viðurkenningar

  • 1970 Verðlaun Samtaka þýskra listgagnrýnenda
  • 2006 Fred-Thieler-Verðlaunin

Heimildir

  • Fyrirmynd greinarinnar var „Bernd Koberling“ á þýsku útgáfu Wikipedia. Sótt 16. janúar 2008.
  • Bera Nordal: Bernd Koberling (sýningarskrá), Malmö Konsthall, 2001
  • Tímarit Morgunblaðsins, 8. febrúar 2004

Tenglar