Heiðar Guðjónsson

Heiðar Már Guðjónsson (f. 22. apríl 1972) er íslenskur hagfræðingur sem starfar fyrir fjárfestingarfélag í Sviss. Hann var í hópi fjárfesta sem átti hæsta tilboð í opnu útboðsferli Sjóvár 2010. DV hefur sakað hann um að taka stöðu gegn krónunni í aðdraganda bankahrunsins en hann hefur stefnt blaðinu fyrir meiðyrði. Félagið var selt öðrum aðilum og í kjölfari birtist Heiðar Már í viðtali og sagði Má Guðmundsson, seðlabankastjóra, hafa hótað að siga lögreglunni á hann og að tilboð hans hafi verið 5 milljörðum hagstæðara en tilboðið sem tekið var.

Heiðar Már varaði við óumflýjanlegri leiðréttingu krónunnar, með tilheyrandi skakkaföllum í efnahagslífinu, frá árinu 2005. Heiðar hefur fullyrt í viðtali að engin lán tengd honum hafi nokkurn tímann verið afskrifuð, né heldur á eignarhaldsfélög sem hann átti hlut í eða sat í stjórn. Heiðar hefur lýst því yfir að hann telji að Ísland eigi að leggja niður íslensku krónuna og taka upp einhliða annan gjaldmiðil.

Ævi

Heiðar Már fæddist á Íslandi en ólst upp í Svíþjóð. Faðir hans er Guðjón Magnússon, fyrrverandi aðstoðarlandlæknir, prófessor og rektor og móðir hans Sigrún Gísladóttir, kennari og skólastjóri. Heiðar Már er kvæntur Sigríði Sól Björnsdóttur og eiga þau þrjú börn.

Heiðar Már lauk stúdentsprófi við Verslunarskóla Íslands og hagfræðigráðu við Háskóla Íslands. Hann vann hjá Fjárvangi, Íslandsbanka, og stýrði vogunarsjóðnum GIR Capital Investment fyrir Kaupþing. GIR var kynntur fjárfestum á Íslandi á kynningarfundi á Hótel Holti „við lok síðasta árþúsunds“. Samkvæmt einum fundargestinum var útskýrt á fundinum hvernig hægt væri að forðast skattlagningu fjárfestingar í sjóðnum og boðin aðstoð við það. Skattrannsóknarstjóri ákvað að hefja rannsókn í byrjun árs 2009. Lífeyrissjóður hjúkrunarfræðinga, Lífeyrissjóður starfsmanna sveitarfélaga, Lífeyrissjóður Vestmannaeyja, Lífeyrissjóður bænda og Stapi, lífeyrissjóður (þá Lífeyrissjóður Norðurlands) fjárfestu í GIR-sjóðnum á Caymaneyju.

Árið 2005 varð Heiðar Már meðeigandi (e. partner) í Novator Partners, London. Í frétt DV frá 2010 var Heiðar sagður „undanfarin ár [hafa] verið í innsta hring með Björgólfi Thor.“

Heiðar Már sagði á forsíðu Fréttatímans hafa fjármögnunaraðila fyrir sæstreng til Evrópu, en framkvæmdin gæti kostað um 450 milljarða króna.

Tenglar

• Erindi flutt í Reykjavík árið 2006 á fundi með Seðlabankanum og fjármálaráðuneyti
• Frétt um að Heiðar Már hafi varað við hruninu
• Frétt DV: Maðurinn sem vill kaupa Sjóvá
• Viðtal Ísland í dag 24. október 2010
• Fréttaumfjöllun Dv um Heiðar: Plott um árás á krónuna,
• Heiðar Már um góða stöðu krónunnar: „Mér blæðir“, frétt Dv.is 18. október 2010
• Heiðar Már hótar DV málsókn, frétt Dv.is 18. október 2010
• DV smíðar hænsnabú úr einni fjöður, af vef Björgólfs Thors Björgólfssonar
• Ársæll og Heiðar vinna að tilboði með stærri fjárfestum
• Heiðar segist alsaklaus. Segir Róbert Wessman dreifa lygum sem DV gleypi við
• Skattrannsóknarstjóri skoðar kynningu á GIR-sjóði Kaupþings. Kynntur sem skattaskjól auðmanna, frétt Eyjunnar 30. janúar 2009.
• Einhliða upptaka er lausn á gjaldeyrisvanda, eftir Ársæl Valfells og Heiðar Guðjónsson
• Brot úr erindi flutt á ráðstefnu World Policy Institute í NYC 1. október 2010
• Áhættuvarnir og rangar sakir, grein eftir Heiðar í Fréttablaðinu 28. okt. 2010
• Viðtal í Fréttatímanum 29. október 2010, Viðtal á blaðsíðu 22
• Brot úr viðtali í Viðskiptablaðinu 4. nóvember 2010
• Frétt á Stöð 2, 12. nóvember 2010, Dramatískt söluferli Sjóvár
• Segja sig frá Söluferlinu á Sjóvá eftir of langa bið, Morgunblaðið 22. nóvember 2010
• Heiðar Már kvartar til umboðsmanns Alþingis, Vísir 24. nóvember 2010
• Seðlabankastjóri hótaði að taka af mér æruna, Fréttatíminn 26. nóvember 2010
• Hrunið 2016, Fréttablaðið 11. febrúar 2012
• Afstýrum öðru hruni, Fréttablaðið 15. febrúar 2012