Dýr

Dýr
Vísindaleg flokkun
Veldi: Heilkjörnungar (Eukaryota) Ríki: Dýraríkið (Animalia) Linnaeus (1758)
Fylkingar
Svampdýr (Porifera) Kambhveljur (Ctenophora) Holdýr (Cnidaria) Flögudýr (Placozoa) Undirríki Bilateria Acoelomorpha Orthonectida Rhombozoa Myxozoa Yfirfylking Deuterostomia Seildýr (Chordata) Kragaormar (Hemichordata) Skrápdýr (Echinodermata) Xenoturbellida Pílormar (Chaetognatha) Yfirfylking Ecdysozoa Hnykkhöfðar (Kinorhyncha) Brynormar (Loricifera) Bjúgormar (Priapulida) Þráðormar (Nematoda) Strengormar (Nematomorpha) Lobopodia Klóberar (Onychophora) Bessadýr (Tardigrada) Liðdýr (Arthropoda) Yfirfylking Platyzoa Flatormar (Platyhelminthes) Sýlingar (Gastrotricha) Hjóldýr (Rotifera) Krókhöfðar (Acanthocephala) Kjálkaormar (Gnathostomulida) Micrognathozoa Hringberi (Cycliophora) Yfirfylking Lophotrochozoa Sæbelgir (Sipuncula) Hyolitha † Ranaormar (Nemertea) Kambormar (Phoronida) Mosadýr (Ectoprocta) Stilkormar (Entoprocta) Armfætlur (Brachiopoda) Lindýr (Mollusca) Liðormar (Annelida)

Dýr (fræðiheiti: Animalia) eru hópur lífvera sem myndar sérstakt ríki: dýraríkið. Dýr eru ófrumbjarga fjölfrumungar, færir um hreyfingu og gerð úr frumum sem hafa ekki frumuveggi (dýrsfrumum). Til eru meira en milljón tegundir af dýrum í um 35 fylkingum. Vöxtur Dýra fer venjulega fram í öllum líkamshlutum og hættir venjulega við kynþroska. Dýr nærast á öðrum lífverum, til dæmis plöntum, öðrum dýrum eða dýraleifum.

Flestar þekktar fylkingar dýra komu fram á sjónarsviðið í Kambríumsprengingunni fyrir um 542 milljónum ára.

Einkenni

Það er ýmislegt sem aðgreinir dýr frá öðrum lífverum. Sem dæmi má taka að dýr eru heilkjörnungar og oftast fjölfrumungar sem meðal annars aðgreinir þau frá gerlum. Einnig melta þau mat innvortis og hafa ekki frumuveggi sem meðal annars aðgreinir þau frá plöntum.

Flest dýr hafa sérhæfð líffæri eins og taugakerfi , meltingarkerfi og vöðva.