Úrdú

Úrdú اردو
Málsvæði	Pakistan, Indland
Heimshluti	Suður-Asía
Fjöldi málhafa	490 milljónir
Sæti	4
Ætt	Indóevrópskt  Indóíranskt   Indóarískt    Hindí     Vesturhindí      Khariboli       Hindí-úrdú        úrdú
Skrifletur	Persneska stafrófið
Opinber staða
Opinbert tungumál	Pakistan, Indland
Tungumálakóðar
ISO 639-1	ur
ISO 639-2	urd
SIL	urd
ATH: Þessi grein gæti innihaldið hljóðfræðitákn úr alþjóðlega hljóðstafrófinu í Unicode.

Úrdú (اردو,) er afbrigði indóevrópska tungumálsins hindí-úrdú talað af múslimum í Suður-Asíu. Úrdú er samskiptamálið í Pakistan og eitt opinberra tungumála landsins. Það er líka talað víða í Indlandi en þar ásamt 21 öðrum samskiptamálum og er opinbert tungumál í fimm fylkjum. Úrdú á rætur að rekja til mállýskunnar khariboli, afbrigði af hindí sem varð til í Delí. Það hafa verið áhrif á úrdú frá m.a. persnesku, arabísku og tyrkneskum tungumálum í að minnsta kosti 900 ár. Ættjörð úrdú er í Uttar Pradesh í Norður-Indlandi en þar þróaðist tungumálið á tíma konungsríkisins Delí (1206–1527) og Mógulveldisins (1526–1858).

Úrdú er skiljanlegt hindímælendum í Indlandi. Tungumálin hafa sameiginlegan uppruna og hljóð- og málfræði þeirra eru svo svipuð að þau eru oft flokkuð sem eitt tungumál. Fjöldi úrdú- og hindímælanda er fjórði stærsti í heimi. Munirnir á tungumálunum eru ekki miklir og snúast aðallega um ritkerfi og orðaforða: persneska stafrófið er notað til að skrifa úrdú og tæknileg orð eru oftast úr persnesku eða arabísku þar sem á hindí er devanagari notað og tækniorð eru að mestu leyti úr sanskrít. Samt sem áður eru mörg orð úr arabísku, persnesku og sanskrít í báðum tungumálunum og flestir málfræðingar telja þau tvö staðalform af sama tungumálinu.

Vegna trúarlegrar þjóðernisstefnu telja mælendur úrdú og hindí tungumálin fullkomlega aðgreind tungumál þó að sú sé ekki raunin þar sem um daglegt tal er að ræða.

  Þessi tungumálagrein er stubbur. Þú getur hjálpað til með því að bæta við greinina.