Maís

(Frá vinstri til hægri) Teosinte, náttúruleg maísplanta og maísstöngull dagsins í dag.

Maís
Maískvæmi
Vísindaleg flokkun
Ríki: Jurtaríki (Plantae) Fylking: Dulfrævingar (Magnoliophyta) Flokkur: Einkímblöðungar (Liliopsida) Ættbálkur: Grasættbálkur (Poales) Ætt: Grasaætt (Poaceae) Ættkvísl: Zea Tegund: Z. mays
Tvínefni
Zea mays L.

Maísplantan

Maís (fræðiheiti: Zea mays) er kornjurt sem fyrst var ræktuð í Mið-Ameríku og breiddist út víða um heim eftir að Evrópubúar komu þangað á 15. öld.

Maís er sú korntegund þar sem erfðabreytt afbrigði eru orðin stærstur hluti af heildaruppskerunni; árið 2009 voru 85% af öllum maís sem ræktaður er í Bandaríkjunum erfðabreytt afbrigði en maís er algengasta korntegundin þar í og ræktaður á 37% kornakra landsins. Um 40% af heimsuppskerunni eru ræktuð í Bandaríkjunum en önnur helstu maísræktarlönd eru Kína, Brasilía, Mexíkó, Indónesía, Indland og Frakkland.

Afurðir

Af maísframleiðslu í Bandaríkjunum, sem er um 40% heimsframleiðslunnar, er einungis 1/40 notaður til manneldis. Dæmi um afurðir til manneldis úr maís eru poppkorn, mjöl, olíur, korn, sýróp, og ýmis konar áfengi og mjöður. Stærstur hluti heimsframleiðslunnar er notaður í dýrafóður og í Evrópu eru afurðir úr maís jafnvel notaðar sem fiskibeita. Maís er ekki eingöngu til átu heldur má vinna úr honum plast og ýmis efni.

Á síðustu árum hefur eldsneyti verið unnið úr maís í auknum mæli. Þetta hefur orðið til þess að bændur hafa fengið betur greitt fyrir framleiðsluna og heimsmarkaðsverð á maís tifar í takt við heimsmarkaðsverð á hráolíu. Þessi eldsneytisframleiðsla og tenging við heimsmarkaðsverð á olíu hefur áhrif á matvælaverð.

Maís er eitt af undrum landbúnaðar. Maís, eins og við þekkjum hann í dag, er ræktaður úr náttúrulegri maísplöntu og villtu plöntunni Teosinte.

Erfðamengi maísplöntunar hefur verið raðgreint að mjög stórum hluta. Erfðamengi hennar er með um 32000 gen, sem er um 7000 fleiri en það sem finna má í erfðamengi mannsins.

Ræktun

Maís er upprunninn í Mexíko en hefur verið ræktaður í Evrópu frá því á 15. Öld. Ræktunin hefur tekið mjög miklum breytingum á síðustu áratugum og ræktunarlína maís færst norðar með hverju árinu. Ástæður þess eru breytingar á veðurfari og miklar framfarir í kynbótum og ræktun kornsins. Nú eru til afurðir í Skandinavíu sem hægt er að rækta til fullþroska maískólfa, tvo afbrigði sem annarsvegar eru notuð til matjurtasölu og eins sem fóður fyrir skepnur. Hér á landi hafa allnokkrir bændur reynt fyrir sér í maísrækt en með misjöfnum árangri þó. Þrátt fyrir að menn telji aðstæður hér ekki svo frábrugðnar aðstæðum annarsstaðar, t.d. í Skotlandi, þar sem maísræktun gengur vel hefur árangurinn hérlendis látið á sér standa.

Ef einhver hefur hug á að að leggja fyrir sig maís ræktun hefur fóðurblandan tekið saman eftirfarandi tillögur að áburði á maís: Samkvæmt dönskum ráðleggingum er miðað við 145 kg köfnunarefnis (N), 35 kg fosfórs (P) og 160 kg kalís (K) á hvern hektara í maísrækt. Þá er nauðsynlegt að áburðurinn innihaldi bæði bór(B) og brennistein (S). Mjög gott er að nota búfjáráburð til þess að uppfylla snefilefnaþarfir en í kúamykju eru t.d. bæði bór og brennisteinn. Nokkrar leiðir eru til þess að uppfylla þessar áburðarþarfir og í töflu hér fyrir neðan eru birtar tillögur að áburði á maís. Miðað er við að nota tegundir sem innihalda brennistein:

Þessu til viðbótar er nauðsynlegt að bera á bórax sem inniheldur 14,9% bór. Miða má við um 7-8 kg/ha með mykju en tvöfalt það magn þar sem ekki er borinn búfjáráburður á.

Uppruni nafnsins

Hugtakið Maís er dregið af spænsku formi frumbyggja orðsins tanío sem notað er fyrir maís framleiðsluna. Maísframleiðsan var upphaflega notuð í Bretlandi og írlandi, Þar sem þetta var venjulega kallað sykurmaís. Algengasta form á plöntunni þekkir fólk vel . sykurmais er safnað fyrir og er borðað sem grænmeti frekar en korn. Önnur algeng orð fyrir Maís eru korn. Þetta var upphaflega enska hugtakið fyrir korn uppskeru í Norður Ameríku. merking þess hefur verið takmörkuð frá 19. öld til maís, eins og það var stytt úr "Indian korn". Hugtakið Indian korn vísar sérstaklega til multi-litaður "akur korn" (Flint korn) ræktunarafbrigði. Í vísinda-og formlega notkun, er "maís" venjulega notað í alþjóðlegu samhengi. Jafnt, á magn-viðskipti samhengi, "korn" er notað oftast. Í Bretlandi, Ástralíu og öðrum enskumælandi löndum, er orðið "maís" oft notað í matreiðslu samhengi, sérstaklega í nafngiftir. Vörur eins og poppkorn, kornflögur og baby maís. "Maís" er notað í landbúnaði og vísinda tilvísanir. Í Suður-Afríku, er maís almennt nefndur mielie eða mealie frá portúgalska milho. Mielie-er máltíð sem er tengd jörðina.

Heimildir

• Fyrirmynd greinarinnar var „Maize“ á ensku útgáfu Wikipedia. Sótt 17. apríl 2012.
• Barton, N. H., Briggs D. E. G., Eisen J. A., Goldstein D. B. og Patel N. H. (2007). Evolution. New York: Cold Spring Harbor Laboratory Press.
• Eversole K. og Feuillet C. (2009). Plant Science: Solving the Maze. Science, 326, 1071-1072.
• Snorri Sigurðsson, Jón Kr. Árnason, Einar Pálsson og Kristjana Jónsdóttir, Íslenskur sykurmaís – Zea Mays var. saccharata. (Hvanneyri: Landbúnaðarháskóli Íslands, 2010).
• Vefsíða Fóðurblöndunnar fodurblandan.is

  Þessi líffræðigrein er stubbur. Þú getur hjálpað til með því að bæta við greinina.