Möðruvallabók

Möðruvallabók (AMagn. Nr. 132. Fol) er íslenskt fornhandrit skrifað á kálfskinn. Handritið er með stærri skinnbókum íslenskum, þó Flateyjarbók sé stærri og sumar lögbækur. Í Möðruvallabók eru 200 blöð og hvert blað er 34 cm á einn veginn, 24 á hinn.

Í Möðruvallabók er eyða á milli Njáls sögu og Egils sögu og var þar að finna illlæsilegar tvær línur. Lengi vel var ekki vitað hvað þar stæði, þar til Jón Helgason prófessor gat lesið úr: „Láttu rita hér við Gauks sögu Trandilssonar, mér er sagt að [Herra] Grímur eigi hana.“ Gauks sögu Trandilssonar er þó ekki að finna í handritinu og er hún hvergi til, en þetta er eina örugga heimildin um tilveru þessarar Íslendingasögu. Jón sagði um þessar línur: „Þarna sér maður það svart á hvítu, að Gauks saga var til, en illu heilli var hún aldrei skrifuð í eyðuna“.

Sögur í handritinu (í réttri röð)

• Njáls saga
• Egils saga
• Finnboga saga ramma
• Bandamanna saga
• Kormáks saga
• Víga-Glúms saga
• Droplaugarsona saga
• Ölkofra þáttur
• Hallfreðar saga
• Laxdæla saga
• Fóstbræðra saga

Tenglar

• Um Möðruvallabók; grein í Tímanum 1965

  Þessi grein er stubbur. Þú getur hjálpað til með því að bæta við greinina.