„Limburg (Holland)“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Gessi (spjall | framlög)
Ný síða: {| cellpadding="2" style="float: right; width: 307px; background: #e3e3e3; margin-left: 1em; border-spacing: 1px;" ! Fáni ! Skjaldarmerki |---- | align="center" bgcolor="#EFEFEF" |...
 
LaaknorBot (spjall | framlög)
m robot Bæti við: nl:Limburg (Nederland)
Lína 108: Lína 108:
[[ms:Limburg]]
[[ms:Limburg]]
[[nds-nl:Limburg (Nederlaand)]]
[[nds-nl:Limburg (Nederlaand)]]
[[nl:Limburg (Nederland)]]
[[nn:Limburg i Nederland]]
[[nn:Limburg i Nederland]]
[[no:Limburg (Nederland)]]
[[no:Limburg (Nederland)]]

Útgáfa síðunnar 20. október 2011 kl. 11:11

Fáni Skjaldarmerki
Fáni
Fáni
Skjaldarmerki
Upplýsingar
Höfuðborg: Maastricht
Flatarmál: 2.209 km²
Mannfjöldi: 1.122.631
Þéttleiki byggðar: 522/km²
Vefsíða: [1]
Lega

Limburg er hérað í Hollandi. Það er næstyngsta hérað landsins (aðeins Flevoland er yngra) og myndar syðsta hluta Hollands. Sökum þess að Limburg kom svo seint til Hollands og sökum þess að íbúar svæðisins tala eigið tungumál (limburgísku), líta margir Hollendingar á svæðið sem ekki-hollenskt. Auk þess eru flestir íbúarnir kaþólskir, ólíkt langflestum Hollendingum. Stjórnmálaflokkurinn Limburg Belang hefur það á stefnuskrá sinni að lýsa yfir sjálfstæði fyrir Limburg og kljúfa sig frá Hollandi (ásamt belgíska Limburg).

Lega og lýsing

Limburg er langsyðsti hluti Hollands og á löng landamæri að Þýskalandi og Belgíu. Auk þess á héraðið landamæri að Norður-Brabant og nyrsti hlutinn nemur við Gelderland. Limburg er aðeins 2.167 km2 að stærð og er því fjórða minnsta hérað Hollands. Áin Maas rennur í gegnum allt héraðið frá suðri til norðurs og myndar mesta náttúrulega einkenni héraðsins. Íbúar eru 1,1 milljón talsins. Höfuðborgin heitir Maastricht.

Fáni og skjaldarmerki

Skjaldarmerki Limburg er með fimm minni skildi. Allir sýna þeir ljón, tvö rauð, eitt gult og eitt svart. Fimmti skjöldurinn sýnir þrjú pósthorn. Uppi til vinstri er merki Valkenburg (nálægt Maastricht). Uppi til hægri er merki Gulik-ættarinnar. Hornin eru tákn greifadæmisins Horn (fyrir norðan Maastricht). Niðri til hægri er merki hertogadæmisins Gelre (Gelderland). Fyrir miðju er merki hertogadæmisins Limburg. Allt voru þetta helstu yfirráðasvæði Limburg þar til Frakkar hertóku landið 1794. Fáninn samanstendur af þremur láréttum röndum, hvítri, blárri (mjórri en hinar) og gulri. Til vinstri er rautt ljón, sem er tákn Limburg. Bláa röndin táknar fljótið Maas sem rennur gegnum endilangt héraðið. Fáninn var formlega tekinn í notkun 27. desember 1886.

Orðsifjar

Héraðið Limburg heitir eftir kastalavirkið Limbourgh, sem áður fyrr var aðsetur greifanna á þessu svæði. Limbourgh er í Belgíu í dag, en héraðið Limburg var bæði í Hollandi og Belgíu allt til 1830 er Belgía splittaði sig frá Hollandi. Talið er að orðið Lim- merkir lind eða lindardreka, samkvæmt þjóðsögum.

Söguágrip

Limburg var öldum saman greifadæmi og miklu stærra en í dag. Eftir að Frakkar yfirgáfu Niðurlönd 1814 myndaðist Limburg sem hérað sameinaðra Niðurlanda. Talað var um að nefna héraðið Maastricht eða Maasdal eða Opper Gelder. En Vilhjálmur I konungur ákvað að kalla héraðið Limburg. 1830 klauf Belgía sig hins vegar frá Hollandi og stofnaði eigið konungsríki. Því voru héruð eins og Brabant og Limburg skipt. Meginhlutinn tilheyrði þýska sambandinu sem greifadæmið Limburg (reyndar undir hollenskri konungsstjórn), en suðurhlutinn tilheyrði Belgíu (og gerir enn í dag). Þegar Bismarck hóf kröfu þess efnis 1867 að innlima Limburg algjörlega í prússneska ríkið, mótmæltu íbúarnir kröftuglega. Úr varð að Limburg sagði sig úr þýska sambandinu og fékk fullgilda inngöngu í konungsríkið Holland. Það er þar með yngsta héraðið í landinu (fyrir utan Flevoland). Þrátt fyrir það eru íbúar Limburg nokkuð frábrugðnir öðrum íbúum Hollands. Flestir eru til dæmis kaþólskir og flestir tala eigið tungumál, limburgísku (skylt flæmsku eða hollensku).

Borgir

Röð Borg Íbúar Ath.
1 Maastricht 119 þús Höfuðborg héraðsins
2 Venlo 99 þús
3 Sittard-Geleen 94 þús
4 Heerlen 89 þús
5 Roermond 55 þús
6 Weert 48 þús
7 Kerkrade 47 þús

Heimildir