„Erfðamengjafræði“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Lína 22: Lína 22:
* [[Starfræn erfðamengjafræði]] (functional genomics)
* [[Starfræn erfðamengjafræði]] (functional genomics)
* [[Lyferfðamengjafræði]] (pharmacogenomics)
* [[Lyferfðamengjafræði]] (pharmacogenomics)
* [[Víðerfðmengjafræði]] (metagenomics)


== Helstu gagnagrunnar ==
== Helstu gagnagrunnar ==

Útgáfa síðunnar 20. júní 2011 kl. 11:36

Erfðamengjafræði fjallar til dæmis um byggingu litninga, raðgreiningu erfðamengja, starfsemi erfðamengja og samanburð á erfðamengjum.

Erfðamengjafræðin er tiltölulega ný fræðigrein, og má rekja upphaf hennar til verkefnis sem miðaði að því að raðgreina allt erfðamengi (genome) mannsins. Það verkefni krafðist mikillar fjárfestingar í líftækni, verkfræði og hugbúnaði sem leiddi til þess að erfðamengi fjölmargra baktería, fornbaktería og heilkjörnunga hafa verið raðgreind.

Erfðamengjafræðin fjallar einnig um starfsemi erfðamengja, það er hvernig genin virka, hvar og hvenær þau eru tjáð, um hlutverk litningaenda, þráðhafta og hvernig stökklar og hlutlausar raðir hegða sér í erfðamenginu.

C-gildis ráðgátan (C-value paradox) er ein af elstu viðfangsefnum fræðigreinarinnar. C-gildið mælir magn erfðaefnis (DNA) í lífverum. Vísindamenn veittu því eftirtekt að magn erfðaefnis var mjög mismunandi meðal heilkjörnunga og ekki endilega mest í spendýrum eða mönnum, lífverum sem vísindamenn álitu flóknari en aðrar. Ráðgátan var sú, hví eru „einfaldar“ lífverur með meira DNA en flóknar lífverur? Svarið er að DNA magn er ekki í réttu samhengi við fjölda gena. Erfðamengi margra lífvera innihalda margar aðrar raðir (stundum kallaðar ruslDNA).[1]

Markmið erfðamengjafræðinnar[2] eru að:

  • Koma upp og halda við gagnagrunnum (eins og GenBank, Flybase og Ensembl)
  • Byggja raunkort og genakort fyrir erfðamengi
  • Raðgreina og skeyta saman erfðamengjum og röðum umritaðra gena
  • Finna og lýsa genum í hverju erfðamengi
  • Skilgreina breytileika í erfðamengjum
  • Kortleggja genatjáningu í mismunandi frumum, vefjum og þroskastigum.
  • Samþætta líffræðilegar upplýsingar um áhrif gena og stökkbreytinga
  • Bera saman erfðamengi lífvera

Tengt efni

Helstu gagnagrunnar

Heimildir