Hvítasunnudagur

Niðurför heilags anda á handritalýsingu frá 15. öld.

Hvítasunnudagur er hátíð í kirkjuári kristinnar kirkju. Hann er 49. dagurinn eftir páskadag og tíundi dagurinn eftir uppstigningardag. Forngrískt heiti hans er πεντηκοστή [ἡμέρα] (pentekostē [hēmera]) sem merkir fimmtugasti (dagur). Dagsins er minnst sem þess dags þegar heilagur andi kom yfir lærisveinana og aðra fylgjendur Jesú eins og lýst er í Postulasögunni. Mánudagurinn eftir hvítasunnudag, annar í hvítasunnu, er almennur frídagur á Íslandi.

Hvítasunnan er hátíð heilags anda. Frá því segir í ritningarbroti þessa dags, Postulasögunni 2:1-4, að þá er upp var runninn hvítasunnudagur voru postularnir allir saman komnir:

Varð þá skyndilega gnýr af himni eins og aðdynjanda sterkviðris og fyllti allt húsið, þar sem þeir voru. Þeim birtust tungur, eins og af eldi væru, er kvísluðust og settust á hvern og einn þeirra. Þeir fylltust allir heilögum anda og tóku að tala öðrum tungum, eins og andinn gaf þeim að mæla.

Hvítasunnan er einnig fæðingarhátíð heilagrar kirkju. Hinn fyrsta hvítasunnudag gengu þrjú þúsund sálir til liðs við postulana og förunauta þeirra. Sá hópur efndi til stofnfundar kirkjunnar.

Hvítasunnudagur á næstu árum

• 2010 - 23. maí
• 2011 - 12. júní
• 2012 - 27. maí
• 2013 - 19. maí
• 2014 - 8. júní

Tenglar

• Hvítasunna; grein í Morgunblaðinu 1980
• Hugvekja; grein í Morgunblaðinu 1983

  Þessi grein er stubbur. Þú getur hjálpað til með því að bæta við greinina.