„Lindisfarne“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Ný síða: thumb|250px|Kastalinn á Lindisfarne. '''Lindisfarne''' er eyja sem liggur við norðausturströnd Englands. Hún er einnig þekkt sem '...
(Enginn munur)

Útgáfa síðunnar 30. ágúst 2010 kl. 12:34

Kastalinn á Lindisfarne.

Lindisfarne er eyja sem liggur við norðausturströnd Englands. Hún er einnig þekkt sem Heilaga eyjan (e. Holy Island), eins og sveitarfélagið heitir. Eyjan er tengd meginlandi með upphækkaðum vegi. Talið er að nafnið eigi rætur að rekja til fornensku og þýðir „eyja ferðamannanna frá Lindsey“, sem gæti þýtt að námsmenn eyjunnar væru frá Lindsey, eða ferðuðust þangað. Árið 2001 voru íbúar eyjunnar 162.

Í verkinu Historia Brittonum er rætt um eyjuna undir fornvelsku nafni Medcaut. Írinn Aidan af Lindisfarne stofnaði munkaklaustur á eyjunni. Um árið 635 e.Kr. var hann sendur þangað frá Jónu, sem liggur við vesturströnd Skotlands, að beiðni Oswalds af Norðhumbríu. Klaustrið varð miðstöð guðspjallaboðunar í Norður-Englandi og jafnvel sendi sendisveit til Mersíu, sem gekk vel. Munkar frá Jónu fluttu til eyjunnar. Cuthbert verndardýrlingur Norðhumbríu var munkur og síðar ábóti munkaklausturs á Lindisfarne. Beda prestur skrásetti æviágrip og öll kraftaverk Cuthberts. Seinna varð Cuthbert biskup af Lindisfarne.

Árið 793 gerðu Víkingar árás á Lindisfarne, sem er víða talin vera byrjun víkingaaldar. Árásin orsakaði mikla skelfingu í Vesturlöndum á þessum tíma og var töluð um í Annál Engilsaxa.

Heimildir

  Þessi Englandsgrein sem tengist landafræði er stubbur. Þú getur hjálpað til með því að bæta við greinina.