1. september

1. september er 244. dagur ársins (245. á hlaupári) samkvæmt gregoríska tímatalinu. 121 dagur er eftir af árinu.

Atburðir

• 1436 - Engelbrektsuppreisninni lauk og Eiríkur af Pommern varð aftur viðurkenndur sem konungur Svíþjóðar.
• 1870 - Orrustunni við Sedan lauk með sigri Prússa á Frökkum.
• 1910 - Fyrstu gasljósin við götur í Reykjavík voru tendruð og þusti fólk út á götur með blöð og bækur til þess að athuga hvort lesbjart væri við ljósin.
• 1910 - Vífilsstaðaspítali var opnaður.
• 1930 - Í Reykjavík hófu bæði kvikmyndahúsin sýningu talmynda. Í Gamla bíói var sýnd Holliwood-revían og í Nýja bíói var það Sonny Boy. Voru sýningar fjölsóttar, en fæstir skildu hvað sagt var.
• 1939 - Þjóðverjar réðust inn í Pólland.
• 1958 - Fiskveiðilögsaga Íslands var færð út í tólf sjómílur en var áður fjórar. Bretar mótmæltu harkalega og lauk þeim deilum með samkomulagi í mars 1961.
• 1971 - Bann við hundahaldi gekk í gildi í Reykjavík. Þrettán árum síðar var hundahald leyft með skilyrðum.
• 1972 - Fiskveiðilögsaga Íslands var færð úr tólf mílum í fimmtíu og mótmæltu Bretar á sama veg og fyrr og reyndu fiskveiðar undir herskipavernd. Samkomulag var gert haustið 1973.
• 1972 - Bobby Fischer sigraði Boris Spasskí í „einvígi aldarinnar“ í Reykjavík með 12,5 vinningum gegn 8,5.

• 1978 - Síðari ríkisstjórn Ólafs Jóhannessonar tók við völdum. Að henni stóðu Framsóknarflokkurinn, Alþýðuflokkurinn og Alþýðubandalagið. Þessi stjórn sat til 15. október 1979.
• 1984 - Verkmenntaskóli Akureyrar var settur í fyrsta skipti.
• 1988 - Fyrsta kona sem gegndi embætti ráðuneytisstjóra tók til starfa sem slík. Var það Berglind Ásgeirsdóttir, þá 33 ára gömul.
• 2004 - Hryðjuverkamenn tóku skólabörn í gíslingu í Beslan í Rússlandi. Skömmu síðar réðst herinn til inngöngu í skólann og kostaði sú aðgerð fjöldamörg mannslíf.
• 2006 - Hannes Hlífar Stefánsson, stórmeistari, sigraði Héðin Steingrímsson í einvígi um Íslandsmeistaratitil í skák. Með því setti hann tvö met: Hann varð Íslandsmeistari í áttunda sinn, en enginn hefur áður unnið þann titil svo oft, einnig varð hann Íslandsmeistari í sjötta sinn í röð og er það einnig met.

Fædd

• 1923 - Rocky Marciano, bandarískur boxari (d. 1969).
• 1934 - Ketill Larsen, íslenskur leikari.
• 1942 - António Lobo Antunes, portúgalskur rithöfundur.
• 1943 - Harald G. Haraldsson, íslenskur leikari.

Dáin

• 1235 - Þorvaldur Gissurarson, kanoki í Viðeyjarklaustri (f. 1155).
• 1557 - Jacques Cartier, franskur landkönnuður (f. 1491).
• 1648 - Marin Mersenne, franskur munkur, stærðfræðingur og heimspekingur (f. 1588).
• 1715 - Loðvík 14. Frakkakonungur (f. 1638).
• 1970 - Francois Mauriac, franskur rithöfundur (f. 1885).
• 1990 - Geir Hallgrímsson, íslenskur stjórnmálamaður (f. 1925).
• 1991 - Hannibal Valdimarsson, íslenskur stjórnmálamaður (f. 1903).