Devanagarí

Ritkerfi. nafn devanāgarī (देवनागरी). Land Indland, Nepal og víðar. svæði Suður Asía. Ritkerfi fyrir indversku, hindí og fleiri.

Byggt á brahmi.

Devanāgarī er skrift sem notuð er til að skrifa mörg tungumál til dæmis hindí, gujarati, marathi, nepali og fleiri. Skriftin var fundin upp á 11. öld út frá fornri skrift sem nefnist brahmi en devanagari átti upphaflega að skrifa sanskrít. Seinna var devanagari aðlagað til að skrifa fleiri tungumál. Frá því á 19. öld hefur það verið mest notaða skrift fyrir sanskrít. Hindí er eitt af útbreiddustu tungumálum heims og talað á Norður- og Mið-Indlandi. Um 41% af indversku þjóðinni talar hindí.

Nafnið devanagari er upprunið af tveimur orðum úr sanskrít; deva kemur af orðinu „guð“ eða „guðlegur“ og nagari kemur af orðinu „borg“ og má lauslega þýða sem „skrift guðsborgar“ eða „hin guðlega skrift“.

Skriftin er skrifuð frá vinstri til hægri og samanstendur af 48 bókstöfum; 34 samhljóðum og 14 sérhljóðum. Nánast allir stafirnir bera einkennandi línu sem gengur í gegnum stafinn að ofan. Skriftin notar ekki hástafi. Hér áður fyrr var devanagari ekki skrifað með sérhljóðum og olli það oft miklum ruglingi.

Devanāgarī er líka notað fyrir Gujari, Bhili, Bhojpuri, Konkani, Magahi, Maithili, Marwari, Newari, Pahari (Garhwali and Kumaoni), Santhali, Tharu, og stundum Sindhi, Panjabi, og Kashmiri.

Sérhljóðar

sérhljóðarnir og þeirra kerfi

	sjálfstæð mynd	Rómanskur stafur	með प		sjálfstæð mynd	Rómanskur stafur	með प
kaṇṭhya (kokhljóð)	अ	a	प		आ	ā	पा
tālavya (framgómhljóð)	इ	i	पि		ई	ī	पी
oṣṭhya (varahljóð)	उ	u	पु		ऊ	ū	पू
mūrdhanya (rishljóð)	ऋ	ṛ	पृ		ॠ	ṝ	पॄ
dantya (tannhljóð)	ऌ	ḷ	पॢ		ॡ	ḹ	पॣ
kaṇṭhatālavya (framgómkokhljóð)	ए	e	पे		ऐ	ai	पै
kaṇṭhoṣṭhya (varakokhljóð)	ओ	o	पो		औ	au	पौ

Tölustafir

Tölustafir í Devanāgarī

०	१	२	३	४	५	६	७	८	९
0	1	2	3	4	5	6	7	8	9

Ritvél

Standard typewriter keyboard layout used in India

Unicode fyrir Devanāgarī

Svið Devanāgarī Unicode er U+0900 .. U+097F.

Tenglar

Devanagari í Britannicu.