Kræklingur

Kræklingur
Vísindaleg flokkun
Ríki: Dýraríki (Animalia) Fylking: Lindýr (Mollusca) Flokkur: Samlokur (Bivalvia) Undirflokkur: Heterodonta Ættbálkur: Mytiloida Ætt: Sæskeljar (Mytilidae) Undirætt: Mytilinae Ættkvísl: Mytilus Tegund: M. edulis
Tvínefni
Mytilus edulis L., 1758

Kræklingur (fræðiheiti: Mytilus edulis) er skelfiskur (samloka) af ætt sæskelja. Hann er algengur í fjörum á kaldtempruðum svæðum bæði á norður- og suðurhveli jarðar. Kræklingur er etinn, bæði af mönnum og ýmsum öðrum dýrum, svo sem sæstjörnum. Hann er líka ræktaður til manneldis.

Vegna eiturþörunga er kræklinganeysla hættuleg á þeim tímum ársins þegar sjór er hlýr og þörungablómi í hámarki. Almennt er ekki talið öruggt að tína krækling við Ísland frá því í maí og fram í desember. Vegna hættu á eitrun hefur Hafrannsóknastofnun Íslands mælt magn eiturþörunga í kræklingi með reglubundnum hætti, og hægt er að nálgast niðurstöður á heimasíðu þeirra.

Tenglar

• Halldór Pálmar Halldórsson, Svar við spurningunni „Hvernig er hægt að rækta krækling?“ á Vísindavefnum, 13. september, 2001.
• Vöktun eiturþörunga á vef Hafrannsóknastofnunar