Sveitarfélagið Vogar

Sveitarfélagið Vogar
Sveitarfélag
Skjaldarmerki
Staðsetning
Land	Ísland
Kjördæmi	Suðurkjördæmi
Þéttbýliskjarnar	Vogar
Stjórnarfar
• Bæjarstjóri	Róbert Ragnarsson
Flatarmál
• Samtals	164 km2
• Sæti	50. sæti
Mannfjöldi  (2024)
• Samtals	1.500
• Sæti	28. sæti
• Þéttleiki	9,15/km2
Póstnúmer	190
Sveitarfélagsnúmer	2506
Vefsíða	http://www.vogar.is/

Sveitarfélagið Vogar (áður Vatnsleysustrandarhreppur) er sveitarfélag á norðanverðum Reykjanesskaga. Flestir íbúar sækja vinnu annars staðar, t.d til Reykjavíkur eða Keflavíkur en áður byggðist atvinnulífið að mestu á sjósókn. Í sveitarfélaginu er byggðarlagið Vogar, þar búa 1.245 manns. Vogar hétu til forna Kvíguvogar og Vogastapi sunnan þorpsins hét Kvíguvogabjörg. Í Stakksfirði undan Vogastapa voru góð fiskimið, sem hétu Gullkistan.

Staðhættir Voga eru þeir að byggðin er á mjórri ræmu meðfram ströndinni, þó ekki samfelld. Nokkrir bændur voru nokkuð á undan sinni samtíð og urðu brautryðjendur á ýmsan hátt. Bóndi nokkur í Vogum keypti hafskip, sendi það til Spánar með fisk og keypti útgerðarvörur í staðinn. Þá var annar bóndi á Vatnsleysuströnd sem kom fyrstur manna fram með þá hugmynd að friða Faxaflóa fyrir erlendum fiskveiðiskipum.

Strax á landnámsöld kemur staðurinn við sögu. Jörðin Stóru-Vogar var höfuðból um aldir og fylgdu því mörg smábýli. Á öldum áður var hálfkirkja í Vogum en sóknarkirkja sveitarinnar er á Kálfatjörn á Vatnsleysuströnd.

Heimild

• Árni Óla (1961). Strönd og Vogar. Bókaútgáfa Menningarsjóðs. Reykjavík.

Tenglar

• Loftmynd á Google Maps
• 190.is - Vefrit frá Vogum

  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.