Norræn tungumál

Norræn eða norðurgermönsk tungumál eru Indóevrópsk tungumál sem aðallega eru töluð á Norðurlöndum. Þau tilheyra flokki germanskra tungumála.

Þessi mynd gefur hugmynd um útbreiðslu fornnorrænu í kringum upphaf 10. aldar. Rauði liturinn sýnir mállýskuna vesturnorræna; appelsínuguli liturinn sýnir mállýskuna austurnorræna. Bleiki liturinn sýnir forngotlensku og græni liturinn sýnir aðrar germanskar mállýskur sem norrænir menn gátu skilið og gert sig skiljanlega við talendur þeirra.

Málsögulega eru norrænu málin flokkuð í tvo hópa:

• Vesturnorræn mál sem eru íslenska, færeyska og norska.
• Austurnorræn mál sem eru danska og sænska.

Ef gagnkvæmur skilningur er lagður sem grundvöllur fyrir skiptingu í mál væri eðlilegt að flokka norræn nútímamál á eftirfarandi hátt:

Norræna
eyjanorræna			skandinavíska
			norðurskandinavíska		suðurskandinavíska
íslenska	færeyska		norska	sænska	danska