Trotskíismi

Leon Trotsky

Trotskíismi er pólitísk og fræðileg stefna sem er kennd við Leon Trotsky og þykir einkenna stjórnmálastarf hans og ritstörf. Nafngiftin er komin frá andstæðingum Trotskys og er oftast notuð af þeim í neikvæðri merkingu, þótt jákvæð eða hlutlaus merking sé algeng líka. Trotsky og fylgismenn hans kölluðu/kalla stefnu sína oftast marxisma eða lenínisma, eða þá einfaldlega sósíalisma eða kommúnisma. Það sem einkennir trotskíisma er m.a. sterk alþjóðahyggja, kenningin um stöðuga byltingu og hörð gagnrýni á þau fræði og stjórnmál sem einkenndu Jósef Stalín, og eftirmenn hans -- hvort sem litið er á Nikíta Khrústséff eða Maó Zedong. Líkt og með stalínisma, eru menn ekki á eitt sáttir um hvað er rétt og rangt eða hvað þessi orð þýða nákvæmlega.

Hreyfingar kommúnista hafa oft klofnað vegna deilna trotskíista við andstæðinga sína. Stærsta og frægasta dæmið er kannski þegar Trotskí stofnaði Fjórða alþjóðasambandið, sem svar við Þriðja alþjóðasambandið sem tengdist Stalín og Sovétstjórninni.

  Þessi grein er stubbur. Þú getur hjálpað til með því að bæta við greinina.