Samskipti

Ljósmynd af Anwar Sadat, Menachem Begin og Jimmy Carter sýnir a.m.k. tvenns konar hefðbundið samskiptaatferli: handtak og bros.

Samskipti eru ferli sem gera lífverum kleift að skiptast á upplýsingum með ýmsum aðferðum. Samskipti fela venjulega í sér endurgjöf (eru samhverf) en orðið er líka notað um fjölmiðlun eins og útvarpsútsendingar þar sem endurgjöfin er í besta falli óbein, og líka kerfi þar sem töf er á endurgjöf eða þar sem sendandi og viðtakandi nota ólík samskiptakerfi, tækni, tíma og aðferðir (ósamhverf samskipti).

Sumir höfundar vilja meina að samskipti feli í sér vilja, þ.e. endurgjöfin þarf að byggja á íbyggni, og útiloki þannig samskipti annarra en manna. Annars konar skipti á upplýsingum er réttara að kalla boðskipti samkvæmt þessu. Aðrir höfundar vilja meina að samskipti meðal manna og samskipti annarra lífvera séu stigsmunur en ekki eðlismunur og hægt sé að skoða hvort tveggja með sömu aðferðum.

Samskiptum er gjarnan lýst út frá þessum þáttum:

• Efni (um hvað snúast samskiptin)
• Upptök/sendandi (hver á upptök að boðunum)
• Samskiptaform (t.d. ræða, samtal, skeyti o.s.frv.)
• Samskiptamiðill (t.d. ritmál, talað mál, reykmerki o.s.frv.)
• Móttakari/viðtakandi (sá sem nemur og skilur boðin)
• Markmið/ætlun (tilgangur samskiptanna - t.d. aðvörun, tilkynning, lögboð o.s.frv.)

  Þessi samfélagsgrein er stubbur. Þú getur hjálpað til með því að bæta við greinina.