„Hippi“: Munur á milli breytinga

Úr Wikipediu, frjálsa alfræðiritinu
Cessator (spjall | framlög)
Ekkert breytingarágrip
m Hippar færð á Hippi
(Enginn munur)

Útgáfa síðunnar 10. janúar 2009 kl. 18:10

Hippi frá Rússlandi

Hippar voru upphaflega æskuhreyfing sem hófu göngu sína í Bandaríkjunum í byrjun sjöunda áratugarins og dreifðust síðan um allan heim. Orðið „hippi“ er dregið af orðinu „hipster“ sem þýðir „sá sem fer eftir tískunni“ sem var yfir leitt notað yfir bítnikkara, listamenn sem fluttu sig í Haight-Ashbury hverfið í San Fransico. Þetta fólk tók upp gagnrýnin viðhorf bítnikkaranna til samfélagsins, myndaði sér sín eigin samfélög, hlustaði á psychedelic eða „skynörvandi“ rokk, tileinkaði sér kynlífsbyltinguna, og notaði eiturlyf eins og til dæmis kannabis efni og LSD til að kanna óþekkt mörk undirmevitundarinnar.

The Human Be-In tónleikarnir í janúar 1967 sem fram fóru í The Golden Gate-almenningsgarðinum í San Francisco lögðu grunninn að vinsældum hippamenningarinnar sem leiddi af sér hið goðsagnakennda Summer of Love eða „sumar ástarinnar“ á vesturströnd Bandaríkjanna og Woodstock-hátíðina á austurströndinni árið 1969.