Sýru-basa hvarf

Sýru-basa hvarf er heiti efnahvarfa sýru og basa.

Sýra-basa hvörf samkvæmt skilgreiningu Brönsteds

Í Brönstedskilgreiningu á sýru er sýra efni sem gefur frá sér jákvætt hlaðnar vetnisjónir, H⁺. Í Brönstedsskilgreiningu á bösum eru þeir þau efni sem taka við jákvætt hlöðnum vetnisjónum. Dæmigert sýru-basa efnahvarf samkvæmt skilgreiningu Brönsteds er hvarf vetnisklóríðs við ammoníak samkvæmt efnalíkingunni:

HCl + NH₃ → Cl⁻ + NH₄⁺

Í þessu dæmi hefur ammoníakið (NH₃) tekið við einni jákvætt hlaðinni vetnisjón af vetnisklóríðinu (HCl) og er því í hlutverki basans og vetnisklóríðið hefur gefið frá sér eina jákvætt hlaðna vetnisjón og er því í hlutverki sýrunnar.

  Þessi efnafræðigrein er stubbur. Þú getur hjálpað til með því að bæta við greinina.