Geymd

Geymd.

Geymd er eitt þriggja svokallaðra minnisþrepa(Fyrsta aðgreining). Geymd er hið eiginlega minni og getur verið með margvíslegu móti og fer það eftir aðstæðu hversu traust hún er. Ef minnisatrið, t.d. nafn einstaklings, fer inní langtímaminni getum við sótt það og nefnt viðkomandi á nafn næst þegar við sjáum hann eða hann berst í tal. Ef nafn hans hefur aðeins komið við í skammtímaminninu getum við nefnt viðkomandi á nafn t.d. meðan samtali við hann eða umræðu um hann stendur en gleymum því síðan. Geymd í STM(skammtímaminni) og LTM(langtímaminni) getur verið með þrennum hætti. Sjóngeymd - útlit bókstafa og orða, merkingargeymd - merking orðanna og hljóðgeymd - framburður orða og bókstafa. Rannsóknir benda til þess að orð hljóti hljóðgeymd í STM þ.e.a.s. þegar kemur að því að muna orð eða bókstafi notist STM við framburð þeirra. Minnisvillur stafa s.s. af framburði orða. Í LTM er hins vegar algengast að orð hljóti merkingargeymd. Rannsóknir sýna að ef þáttakendur fái nægan tíma til umskrá orðin yfir í LTM er algengast að þeir rugli saman orðum sem hafa svipaða merkingu. T.d. Blað og pappír, refur og úlfur. Hins vegar er geymd í LTM ekki alltaf merkingarleg og STM notast ekki alltaf hljóðgeymd. Sjón, bragð og lykt geta markað varanleg minnisspor í LTM. Geymd í LTM getur því tekið á sig ýmsar myndir og rannsóknir sýna að LTM reiðir sig líka á sjóngeymd.