Arkiv for nordisk filologi

Arkiv for nordisk filologi var fyrsta fræðilega tímaritið, sem eingöngu var helgað rannsóknum á norrænum tungumálum og bókmenntum fyrri alda. Hugmyndin að tímaritinu kom fram á öðru þingi norrænna textafræðinga, 1881. Fjögur fyrstu bindin komu út á árunum 1883–1888 í Kristjaníu, og var Gustav Storm þá ritstjóri.

Árið 1889 var tímaritið endurreist í Lundi, undir forystu Axel Kock, sem varð ritstjóri. Var þá byrjað upp á nýtt með nýjan flokk (Ny följd), og nafninu gefið sænskt yfirbragð: Arkiv för nordisk filologi. Tímaritið hefur komið út til þessa dags, með nokkrum hléum.

Tenglar

• Arkiv for nordisk filologi, grein í Salmonsens konversationsleksikon
• Arkiv for nordisk filologi, byrjun á netútgáfu frá heimskringla.no
• Arkiv för nordisk filologi, netútgáfa 1883–1894, frá Prosjekt Runeberg