Hanyu Pinyin

Hanyu Pinyin (汉语拼音 Pinyin: Hànyǔ Pīnyīn) eða einfaldlega Pinyin er aðferð við að umrita kínversku yfir á latneska bókstafi. Kerfið byggist aðallega á því að sérhljóðarnir eru merktir á fjóra mismunandi vegu fyrir ofan stafina, t.d. ā á ǎ à, og gefa merkingarnar til kynna tónun stafsins eða táknsins. Auk þessara hópa er einnig til áherslulaus tónun þar sem sérhljóðin eru „hattlaus“.

Pinyin umritun er kennd í kínverskum grunnskólum og börn læra þetta kerfi um leið og þau læra að lesa þar sem táknin eru gjarnan merkt með Pingyin í kennslubókum yngstu bekkja til að auðvelda þeim lestur.